Cꞌuyaita ricuchi

¿Huaquincunaca imamantataj mana allita juzgancuna?

Shujtajcunamanta mana allita yuyanataca mana ratochu saqui tucunchij. Ima shinami shuj virus ungüimanta jambiringapajca tiempo y esfuerzo minishtirin, chai shinallatajmi shujtajcunamanta mana allita yuyanata saquingapajca tiempo y esfuerzo minishtirin. Chaipajca ¿imatataj rurai tucunchij?

Bibliamanta consejo

Huaquin fotocuna: 1. Asia ladomanta shuj runami shuj yana runitota cafecunata apacujta ricushpa punguta pascashpa ayudacun. 2. Chai yana runitollatajmi trabajopi compañerocunaman cafeta cushpa, India llajtamanta huarmimanpish cafeta cucun.

“Tucuimanta yallica cꞌuyaj canata churarichij. Cꞌuyaimi tucuicunata shujllata rurajtajca” (COLOSENSES 3:14).

¿Imatataj nisha nin? Shujtajcunapaj allita rurashpami paicunahuanca alli apanacushun. Shujtajcunata cꞌuyaihuan tratashpaca paicunamanta mana allita juzganatami saquishun.

¿Imatataj rurai tucungui?

Huaquin fotocuna: 1. India llajtamanta shuj huarmimi blanco parte shuj mayorlla huarmipaj randishcacunata apashpa ayudacun. 2. Blanco parte mayorlla huarmimi Asia llajtamanta runaman galletata caracun.

Can mana allita shina ricushca grupomanta gentecunata ima shina ayudanata, ima shina cꞌuyaita ricuchinata yuyai. Mana jatun cosascunata ruranachu cangui. Caicunatami rurai tucungui:

Shujtajcunata cꞌuyashcata ricuchingapaj esforzarishpaca mana allita juzganatami saquishun.

Llaquij cashcata, respetashcata ricuchi. Por ejemplo, punguta pascashpa, buspi ricushpa asientota cushpa.
Paicuna cambaj shimita mana alli parlajpipish jahualla shimicunahuan parlangapaj esforzari.
Huaquin cosascunata imamanta rurashcata mana intindishpapish pacienciata chari.
Paicuna ima nishcata alli uyashpa imamanta chai problemata charishcata intindi.