Canto 141
Quishpirisha nijcunata mashcashunchij
Jesucristoca cushicushpami
paraíso tiyanata
gentecunaman huillarca.
Cꞌuyaimantami tucuicunaman
tucui punlla huillanata
mana saquirca.
Jesús shinami ñucapish
alli huillaicunataca
cushicushpa yachachigrisha nini.
(CORO)
Quishpirisha
nijcunata mashcasha nini.
Alli shungu
cajcunata mashcasha nini.
Jehová Diosman
cꞌuchuyachun.
Punllacunaca tucuricunmi
gentecuna quishpirichun
utcami huillana cani.
Llaquicunahuan causajcunaca
cushicushpa causachunmi
yachachigrini.
Yaya Diosta rijsinata
munajcuna tiyangami.
Paicunata mashcashpami purini.
(CORO)
Quishpirisha
nijcunata mashcasha nini.
Alli shungu
cajcunata mashcasha nini.
Jehová Diosman
cꞌuchuyachun.
(Cai versocunatapish rezai: Is. 52:7; Mat. 28:19, 20; Luc. 8:1; Rom. 10:10).