CANTO 58
Quishpirisha nijcunata mashcashunchij
1. Jesucristoca cushicushpami
paraíso tiyanata
gentecunaman huillarca.
Cꞌuyaimantami tucuicunaman
cada punlla huillanata
mana saquirca.
Jesús shinami ñucapish
alli huillaicunataca
cushicushpa yachachigrisha nini.
(CORO)
Alli shungu
gentecuna tiyangamari.
Jehová Diosman
cꞌuchuyachun mashcasha nini.
Paicunapish
quishpirichun.
2. Punllacunaca tucuricunmi,
gentecuna quishpirichun
utcami huillana cani.
Llaquicunata charijcunaman
cushicushpa causachunmi
yachachigrini.
Jehová Diosta rijsinata
munajcuna tiyangami.
Paicunata mashcashpami purini.
(CORO)
Alli shungu
gentecuna tiyangamari.
Jehová Diosman
cꞌuchuyachun mashcasha nini.
Paicunapish
quishpirichun.
(Cai versocunatapish leyipai: Is. 52:7; Mat. 28:19, 20; Luc. 8:1; Rom. 10:10).