Parte 8-pica caitami yachagrinchij

Diosca alli yuyaita cushpa, paipaj huasita rurachun mingashpami Salomontaca bendiciarca. Pero paica asha ashami Diosta saquirca. Yaya mamacuna, yanga dioscunata adorajcuna ima shina Salomonta Diosmanta caruyachishcata huahuacunaman yachachi. Chai tiempopica Salomonpaj mandanaca ishquipimi chaupirirca. Millai reycunami yanga dioscunata adorachishpa israelitacunataca Diosmanta caruyachircacuna. Profetacunatapishmi llaquichircacuna, huañuchircacunapish. Janaj lado Israelta mandaj Jezabelpish jatun juchacunatami israelitacunataca rurachirca. Pero huaquincunaca rey Jehosafat, profeta Elías shinami Diosta alli sirvircacuna.