Dibujocunahuan videocunahuan yachachi

Génesis 15:5

YUYARI: Yachachishcata ama cungarichun, alli intindichunca dibujocunahuan videocunahuanmi yachachina cangui.

CASHNA RURAI:

• Dibujocunata, videocunata alli yuyashpa utilizai. Congregacionpi yachachicushpaca importante yuyaicunata alli intindichunmi fotocunata, mapacunata, tiempota ima shina medinata churashpa yachachina cangui. Predicacushpaca videocunatapishmi utilizai tucungui. Pero paicuna ricushcallata yuyarichunca mana munanchijchu. Ashtahuancarin chai dibujomanta o videomanta imata yachashcata alli intindichunmi munanchij.

• Can ricuchicushca dibujocunata alli ricuchunmi asegurana cangui. Por ejemplo, dibujocunahuan congregacionpi yachachicushpaca chai dibujocunata tucuicuna ricuchunmi jatun cana can.