Alli huillajcuna tucushunchij Videocunahuan yachachishunchij

IMAMANTATAJ VIDEOCUNAHUAN YACHACHINA CANCHIJ:

Videocunaca gentecunapaj shungumanmi chayan. Gentecunaca uyashpa, ricushpami ashtahuan yachancuna. Ricushcata, uyashcataca mana cungarincunachu. Jehová Diosca paita servijcunataca alli entendichingapajmi muscuipi shina ricuchishpa yachachirca (Hch 10:9-16; Ap 1:1).

Alli huillaicuna folletomanta lección 2 y 3-ta yachachicushpaca ¿Diosca ima shutitaj can?, ¿Bibliataca pitaj rurarca?, ¿Biblia mana llullashcataca imamantataj crina canchij? nishca videocunata ricuchingui. Ashtahuanpish gentecuna Bibliata yachachun, tandanacuicunaman richunca ¿Imamantataj Bibliamanta yachana canchij?, ¿Ima shinataj Bibliamanta yachachinchij?, ¿Ñucanchij tandanacuicunapica imatataj ruranchij? nishca videocunami ayudanga. Huaquin videocunata, peliculacunataca Bibliamanta yachachicushpa ricuchinallami canchij (km-S 5/13 3).

IMA SHINATAJ CAITA RURAI TUCUNCHIJ:

• Ima videota ricuchisha nishcata Internetmanta surcui.

• Huillanaman manaraj llujshishpa videomanta imata tapunata yuyai.

• Videota tandalla ricuichij.

• Videopi imata yachachishcata parlanacuichij.

CAITA RURAI:

• Tratado nishca pꞌangacunapi tucuri paginata ricuchi. Chaipica: ¿Imamantataj Bibliamanta yachana canchij? videota ricungapajca caipi caj codigota escaneai ninmi.

• ¿Biblia mana llullashcataca imamantataj crina canchij? nishca videota ricuchi. Qꞌuipaca Alli huillaicuna folletota cushpa lección 3-manta parlai.