JESÚS SHINA CAUSASHUNCHIJ
Gentecuna Bibliamanta yachanata munachunca cai videocunata alli utilizashunchij
Gentecuna Bibliata estudiai callarichun animangapaj, Bibliamanta estudiocuna ima shina cashcata ricuchingapajpish chuscu videocunatami charinchij. ¿Cai videocunataca ima shinataj utilizana canchij?
¿Imamantataj Bibliamanta yachana canchij? (video completo). Gentecuna ima religionta charijpipish cai videotami ricuchi tucunchij. Cai videoca gentecuna Bibliamanta yachana munaita charichun, valishca tapuicunamanta yachana munaita charichunpishmi ayudan. Cai videopica Bibliapi imallata yachai tucushcatami ricuchin. Bibliamanta yachachichun mañangapaj imallata rurana cashcatapishmi ricuchin.
¿Imamantataj Bibliamanta yachana canchij? (shuj partella). Cai videoca pasaj video shinallatajmi can. Shinapish menos tiempotami charin. Chaimantami cai videoca ashalla tiempota charij gentecunapaj alli can.
¿Ima shinataj Bibliamanta yachachinchij? Cai videoca gentecuna ñucanchijhuan Bibliamanta yachana munaita charichunmi ayudan. Bibliamanta estudiocuna ima shina cashcatapishmi ricuchin. Bibliamanta yachachichun mañangapaj imallata rurana cashcatapishmi yachachin.
Bibliamanta estudiangapaj alli shamushca. Cai videoca ñucanchijhuan estudiai callarijcunapajmi can. Cai videotaca Cushilla causai nishca libropaj página 2-pi ricuchichunmi nin. Shinapish Cushilla causai nishca folletota piman yachachi callarishpaca cai videotami ricuchi tucunchij. Cai videopica Cushilla causai nishca libropi imallata yachagrishcata, ima shina yachagrishcatapishmi ricuchin.
Cai videocunataca gentecuna minishticui horaspimi ricuchinalla canchij. Chaimantami cai videocunata cancunaraj alli rijsichun, predicacionpi alli utilizachun animanchij.