YACHAI 14

Importante yuyaicunata alli intindichi

Hebreos 8:1

YUYARI: Shuj conferenciata cugrishpaca callarimantami asha asha intindichishpa rina cangui. Shinallataj importante yuyaicunatapish allimi intindichina cangui.

CASHNA RURAI:

Imata yachachisha nishcata yuyaipi chari. Shuj conferenciata cungapaj prepararicushpaca: ‘¿Mushuj yuyaicunatachu yachachigrini? ¿Diospi o Bibliapi ashtahuan crichunchu ayudagrini? ¿Dios mandashcacunata pajtachichunchu animagrini?’ nishpami tapurina cangui. Chashnami imallata yachachina cashcata ricungui.

Can yachachishcata tucuicuna alli intindichunca, manaraj conferenciata cushpami: ‘¿Conferenciata cucujpica gentecunaca ima tapuicunatataj charinga? ¿Cai tapuicunataca ima shinataj intindichisha?’ nishpa tapurina cangui. Chashnami ima shina parlashpa callarinata, ima shina parlashpa tucuchinata yachangui.
Conferenciapaj temata yuyachi. Conferenciapaj temata ama cungarichunmi shujtaj shimicunapi importante yuyaicunata yuyachishpa rina cangui.
Importante yuyaicunallata jahualla shimicunapi yachachi. Alli yachachingapaj, tiempo justopi tucuchingapajpish mana dimastij puntocunamantachu parlana cangui. Shuj yuyaita alli intindichishca qꞌuipami catij yuyaimanca pasana cangui. Catij yuyaimanta parlangapajca ashitota shayarishpami alajata parlashpa callarina cangui.

Can cugrishca conferenciata gentecuna uyanata munachunca callaripimi imata yachagrishcata huillana cangui. Cutin, ima yachashcata ama cungarichunca conferenciata tucuchicushpami tigra yuyachina cangui.