YACHAI 20

Alaja shimicunahuan parlashpa tucuchi

Eclesiastés 12:13, 14

YUYARI: Parlashcata ña tucuchicushpaca yachashcata pajtachichunmi animana cangui.

Ña parlashcata tucuchicushpaca imamanta yachashca tematami yuyachina cangui. Chaipajca importante yuyaicunatami cutin nina cangui.
Uyacujcunata animai. Imata rurana cashcata, imamanta chaita rurana cashcatami ricuchina cangui. Cambaj nishcacunapish cierto cashcata ricuchingapajca shungumantami parlana cangui.
Ashalla tiempopi, jahualla shimicunahuan parlashpa tucuchi. Ña parlashcata tucuchigrishpaca mana mushuj yuyaicunamantachu parlana cangui. Ashtahuanpish ashalla shimicunapimi paicunata animana cangui.

Parlacushpaca mana apuradochu tucuchina cangui. Shinallataj tonota cambiashpami can parlacushcata ña tucuchicushcata ricuchina cangui. Pero libre fuerza illaj shinaca mana parlashpa tucuchinachu cangui.