Ejemplos de fe
1. ¿19 de octubre semanamantaca Bibliamanta yachana tandanacuipica imatataj yachashpa callarishun?
1 19 de octubre de 2015 semanamantaca Bibliamanta yachanapaj Tandanacuipica Ejemplos de fe librotami yachashpa callarishun. Cai libropica 14 Diosta alli servij, cꞌaricuna huarmicunapaj causaimantami yachashun. Paicuna Jehová Diosta cazushcamanta llaquicunata jarcaicunatapish chꞌimbapurashcata cai libropi rezashpaca paicunata ricucuj shinami canga. Shinallataj ñucanchij causaipi pajtachingapaj alli yachaicunatami yachashun (Heb. 6:12).
2. ¿Ejemplos de fe libroca imallatataj charin?
2 Imallatataj cai libroca charin: Cai libroca línea de tiempo, mapas nishca ishqui ayudacunatami charin. Chai ayudacunaca cai cꞌaricuna huarmicuna ima hora maipi causashcatami ricuchin. Chai yachaicunapi alli yuyashpa ñucanchij causaipi pajtachingapajmi cada capitulocunapica “Preguntas para pensar” nishca tapuicuna tiyan. Shinallataj ñucanchij chaipi cashca shina sintiringapajmi alhajata rurashca dibujocuna tiyan.
3. ¿Ima shinataj cai librotaca alli yachai tucunchij?
3 Cai librotaca alli yachashunchij: Callari paginapica Cuerpo Gobernantepaj cartami ricurin. Chai cartapica caitami rurachun nin: “Chaipi caj cꞌaricuna huarmicuna ima shina sintirishcata, imata rurashcata alli yuyaichij, ñuca chaipi cashca cashpaca imatashi ruraiman carcani nishpa yuyai.” Shinapish Bibliapi parlashcacunata mana ñucanchij munashca shina yuyanachu canchij. Ashtahuanpish paicunata ricucuj shinami paicuna ima shina sintirishcata alli entendina canchij. Chashna alli yuyangapajca tiempota surcunami minishtirin (Neh. 8:8). Chaupi capitulollata chai semanapi yachana cajpica, yachachij huauquica casi shuj minutollapimi caina semana imata yachashcata repasana can. Shinallataj “Preguntas para pensar” nishca tapuicuna mana tiyajpica shuj o ishqui tapuitami rurana can.
4. ¿Ejemplos de fe librota yachanaca imamantataj minishtirishca can?
4 Satanasca punllantami imata rurashpapish ñucanchij crishcacunata chiriyachisha nin. Cai libropish, La Atalaya revistapi llujshij Ejemplos de fe yachaicunapish Jehová Diosmanta shamuj sumaj regalomi can, ñucanchij crishcacunatami sinchiyachin (Sant. 1:17). Bibliamanta yachangapaj Tandanacuiman shamushpa, tapuicunata cutichishpami cai libromantaca alli yachaicunata yachashun.