¿Grabacioncunaca imapajtaj can?
1. Publicacioncunata rezangapaj charishpapish, ¿ima shujtaj ayudatataj charinchij?
1 Internetpi jw.org página tiyashcamantami achca gentecunaca sumaj publicacioncunata rezashpa cushilla sintirishca (Ecl. 12:10). Shinallataj chai publicacioncunaca uyangapajmi grabashca Internetpi tiyan. ¿Ñachu chaipi tiyaj grabacioncunata uyashcangui? ¿Grabacioncunaca ima shinataj ñucanchijta ayudan?
2. ¿Quiquinlla o familiahuan Bibliata yachacushpaca, grabacioncunahuanca imatataj rurai tucungui?
2 Quiquinlla o familiahuan Bibliata yachangapajmi can. Trabajacushpa o shujtaj ladoman ricushpapish Bibliata, revistacunata o shujtaj publicacioncunatami uyai tucungui. Chashnami ñucanchij tiempohuan allita rurashun (Efes. 5:15, 16). Familiahuan Diosta adorana tutapica shuj publicacionpaj grabacionta uyashpami, chai publicacionta rezai tucunguichij. Bibliata yachacushpaca grabacioncunata uyanaca, ñucanchij alli rezanata yachangapaj o shujtaj shimita yachacushpapish alli parlangapajmi ayudanga.
3. ¿Huillacujpica grabacioncunaca picunatataj ashtahuan ayudai tucun?
3 Huillangapajmi can. Huillacushpaca, rezangapaj mana tiempota charini nij gentecunahuanmi tupanacunchij. Shinapish shuj grabaciontaca uyasha ningacunachari. Huaquincunaca shujtaj shimitami parlancuna. Paicunapaj shimipi grabacioncunata uyachijpica Diospaj Mandanamanta uyasha ningacunachari (Hech. 2:6-8). Shujtaj llajtacunapica gentecunaca uyashpami yachanata munan. Por ejemplo: Hmong nishca llajtapica yaya mamacunaca paicuna ñaupa uyashcata parlashpami paicunapaj huahuacunaman yachachin. Chashnami huahuacunaca uyashcata jahualla yuyarin. Shinallataj Africa llajtacunapica gentecunaca parlashcata uyashpami yachanata munancuna.
4. Grabacioncunahuan huillagricushpaca ¿Ima tapuicunapitaj yuyana canchij?
4 Ñucanchij llajtapi causaj gentecunapi yuyashpa tapurishun: ¿Paicuna rimashca shimipi shuj grabacionta uyachi tucunichu? ¿Shuj publicacionpaj grabacionta correopi cachashpa pita ayudai tucunichu? ¿Imprimishca publicacionta, internetmanta CD-pi surcushca grabaciontapish Bibliamanta yachasha nijcunaman saqui tucunichu? Internetmanta librocunata, folletocunata, revistacunata, tratadocunata, grabacioncunata o chꞌican chꞌican archivocunata gentecunaman cushpaca informe nishca hojapimi huillana canchij. Grabacioncunaca mana ñucanchijlla Bibliata yachacushpa uyangapajllachu can. Ashtahuanpish Diospaj shimita gentecunapaj shungupi tarpungapajmi can (1 Cor. 3:6).