Bibliata tucui punllacuna liyingapaj caita rurai

Ocupados pasashcamantami Bibliata cada punlla liyinaca sinchi can (Josué 1:8). Shinapish Bibliata tucui punllacuna liyingapajca caita rurai:

• Alarmata churai. Bibliata cada punlla liyinata ama cungaringapajmi cambaj celularpi shuj alarmata churai tucungui.

• Can ricunallapi Bibliata churai. Bibliata liyinata ama cungaringapajca can ricunalla lugarpi churai tucungui (Deuteronomio 11:18).

• Celularpi Bibliata uyai. Imata ruracushpaca Bibliapaj audiocunatami uyai tucungui. Pani Taraca precursora cashcamanta, mama cashcamantapishmi tutacuna trabajan. Paica: “Huasipi imalla cosascunata ruracushpami Bibliataca audiocunapi uyani. Chashnami Bibliata tucui punllacuna liyinataca manataj cungarini” nircami.

• Bibliata tucui punllacuna liyingapaj esforzari. Bibliata liyina horas ñapish ima apuro japijpi mana liyishpaca, tuta can manaraj dormishpami ashitollatapish liyi tucungui. Ashallata liyishpapish canllatajmi cushilla sintiringui (1 Pedro 2:2).