Tapuicuna

◼ ¿Bibliamanta ña mana yachachishpa catinataca ima shinataj yachanchij?

Bibliamanta yachacuj paipaj causaipi cambiocunata mana rurashpa catijpica, alli shimicunahuanmi ña mana yachachigrishcata huillana canchij (Mat. 10:11). Bibliamanta yachachinata manaraj saquishpami cai tapuicunapi yuyana canchij: ¿Yachachinaman rijpica shuyacunchu? ¿Yachagrishcata prepararinchu? ¿Tandanacuicunaman rishcachu? ¿Yachacushcata shujtajcunaman parlanchu? ¿Bibliapi yachacushcata paipaj causaipi pajtachinchu? Shinapish Bibliamanta yachacujcunaca mana tucuicunachu igual can. Chaimantami mashna huatacunata charishcata, utca entendij cashcata o mana utca entendij cashcatapish manaraj saquishpa alli ricunaraj canchij. Ña mana yachachigrishpaca, cambiocunata rurashpa catisha nijpica cutin yachachishallami nishpami saquina canchij (1 Tim. 2:4).