Alli huillajcuna tucushunchij: Yachacujcuna bautizarishpa Diosta servichun ayudashunchij

IMAMANTATAJ CAITA RURANA CANCHIJ. Diospaj ñaupajpi alli ricuringapajca Bibliamanta yachacujcunaca, Diosta servisha nishpami bautizarina can (1Pe 3:21). Jehová Diosca paita servishpa causajcunataca paimanta ama caruyachunmi ayudanga (Sl 91:1, 2). Jesusta catijcunaca mana shuj cꞌarita, shuj trabajota o shuj organizacionta servingapaj bautizarircanchijchu. Ashtahuanpish Jehová Diosllata servingapajmi bautizarircanchij. Chaimantami Bibliamanta yachacujcunapish Jehová Diosta cꞌuyana cashcata, respetana cashcata entendina can (Ro 14:7, 8, NM).

CAITACA IMA SHINATAJ PAJTACHISHUN:

• Yachachicushpaca publicacionpi Jehovamanta imata yachachishcatami entendichina cangui. Bibliata tucui punllacuna rezana cashcata, Diosta mañana cashcatami entendichina cangui (1Te 5:17; Snt 4:8).

• Yachacujcuna bautizarina munaita charichunmi ayudana cangui. Shinallataj tandanacuicunapi comentariota cuchun, vecinocunaman, trabajopipish pai imata yachacushcata parlana cashcatami yachachina cangui. Diosta servisha nishpa bautizarinataca cada uno agllana cashcataca ama cungaringuichu (Dt 30:19, 20).

• Yachacujcuna bautizarichunca paipaj causaipi cambiocunata rurachunmi ayudana cangui (Pr 27:11). Paicunapaj yuyaicunata, ruraicunata saquinaca sinchichari canga. Chaimantami paicunapaj mauca causaita saquishpa, paicunapaj shungutapish yuyaitapish mushujyachishpa catichun ayudana cangui (Ef 4:22-24). La  Atalaya revistapi “La Biblia les cambió la vida” nishca tematapish ricuchingui.

• Canpish Jehová Diosta servishpa cushilla causashcata parlai (Isa 48:17, 18).