Ezequiasca tucui shunguhuan Diospi crishcamantami bendicioncunata chasquirca

Asiria llajtata mandaj Senaqueribca Rabsacestami (Rabsaqué) Jerusalenman cacharca. Asiriocuna mandachun saquichij ninamanmi cacharca. Asiriocunaca paicunahuan ama macanacuchunmi tucuita rurashpa judiocunata manchachircacuna.

• 

  Judiocuna Egiptopaj ayudata mashcashca cashpapish paicunallami saquirinman carcacuna (Isa 36:6).

• 

  Jehová Diosca cancunahuan pꞌiñarishcami, mana quishpichingachu nishpami crichisha nircacuna (Isa 36:7, 10).

• 

  Asirio soldadocunaca yallitaj fuerzayujmi canchij. Cancunataca mishashunmi nishpami manchachircacuna (Isa 36:8, 9).

• 

  Asiriocuna mandachun saquishpaca cancunaca allimi causanguichij nishpami yuyachircacuna (Isa 36:16, 17).

Ezequiasca tucui shunguhuanmi Jehová Diospi crirca

Isa 37:1, 2, 14-20, 36

• Paica asiriocuna ama yaicuchunmi Jerusalenta allichirca.

• Paicunata quishpichichunca paica Diostami mañarca, chashnami israelitacuna Diospi ashtahuan crichun ayudarca.

• Ezequías Diospi shunguta churashcamantami Diosca paita ayudarca. Jehová Diosca shuj angelta cachashpami 185.000 asirio soldadocunata shuj tutallapi huañuchirca.