JESÚS SHINA CAUSASHUNCHIJ
Alli huillajcuna tucushunchij: Tucui gentecunaman huillangapaj esforzarishunchij
¿IMAMANTATAJ CAITA RURANA CANCHIJ? Profeta Zacariasca: ‘Tucui llajtacunamanta shujtaj shujtaj rimaita rimaj gentecunami Diosmanta uyasha ningacuna’ nircami (Zac 8:23). Pero, ¿paicunataca pitaj yachachina carca? (Ro 10:13-15). Cunan punllacunapica ñucanchij huillashca llajtapimi tucui gentecunaman cushicushpa huillana canchij (od-S pág. 84 párrs. 10, 11).
¿IMA SHINATAJ CAITA RURAI TUCUNCHIJ?
Allimi allichirina canchij. ¿Shujtaj shimita parlajcunahuan tupashpaca imatataj rurai tucunchij? Jahualla paicunahuan parlangapajca JW Language programata utilizashunchij. Shinallataj jw.org paginaman ima shina yaicunata tabletpi o celularpi ricuchishunchij. Chai paginaman yaicushpaca paicunapaj shimipimi Bibliamanta yachai tucungacuna.
Alli ricujcunami cana canchij. Huasin huasin huillacushpapish ñanta pasacujcunaman o carro ucupi shuyacujcunamanpish huillanami canchij. Tucui oportunidadcunatami aprovechana canchij. Carritocunahuan huillacushpapish mana shayacunallachu canchij. Ashtahuanpish gentecunahuan parlangapajmi esforzarina canchij.
Mana shaicushpami huillana canchij. Huasipi mana cajcunata taringapajmi shujtaj horas o shujtaj punlla tigrai tucunchij. Maijancunamanca cartata escribishpa, telefonoman cayashpa o maipi tupashpami Diosmanta parlana canchij.
Cutin visitangapajmi tigrana canchij. Diosmanta uyasha nijcunata visitangapajca mana achca tiempo pasachun saquinachu canchij. ¿Huasiyuj shujtaj shimita parlajpica imatataj rurai tucunchij? Chai shimita yachaj shuj publicadortami huasiyujta visitachun mañai tucunchij. Publicador visitangacamaca ñucanchijllatajmi huasiyujta visitashpa catina canchij (od-S págs. 93, 94 párrs 39, 40).
‘CAI PACHAPI TIYAJ TUCUI LLAJTACUNAPIMI HUILLANCHIJ’ NISHCA VIDEOTA RICUSHCA QꞌUIPACA CAI TAPUICUNATA CUTICHICHUN MAÑAI:
¿Manaraj huillashca ladocunapi huillangapajca huauqui panicunaca ima shinataj allichirircacuna? (1Co 9:22, 23).
¿Ima jarcaicunatataj charircacuna?
¿Ima bendicioncunatataj chasquircacuna?
¿Can huillacushca llajtapi tucuicunahuan Diosmanta parlangapajca imatataj rurai tucungui?