¿Cantocunamantaca imatataj yachai tucunchij?

¿JW Broadcasting® programapi llujshishca maijan video musicaltataj munangui? ¿Imamanta? ¿Chaicunaca causai ima shina cashcatachu ricuchin? Tucui laya temacunahuan, musicacunahuan cashcamantami siquiera shuj videollatapish munashun. Pero cantocuna, videocunaca mana shuj rato ricungapaj, uyangapajllachu can.

Video musicalcunaca Diosta alli sirvijcuna, alli huillajcuna cangapajmi ayudan. Huaquin cantocunaca shujtajcunata alli chasquij, alli amigo, mana manchaj, cꞌuyaj, perdonaj, Diosta cazuj cangapajmi ayudan. Shujtaj cantocunaca tandalla catingapaj, sinchi feta charingapaj, Diospajman tigrangapaj, Diosta ashtahuan sirvingapajmi ayudan. Shuj cantopish telefonota alli yuyashpa utilizangapajmi llujshishca. ¿Cantocunamantaca imatataj yachashcangui?

ÑALLAMI PARAISOPI CAUSASHUN NISHCA VIDEO MUSICALTA RICUSHCA QꞌUIPA CAI TAPUICUNATA CONTESTAI:

• ¿Mayorlla cusa huarmica Dios cusha nishca maijan bendicionpitaj yuyacun? (Gé 12:3).

• ¿Yaya Dios pai cusha nishcacunata pajtachinataj cashcata cringapajca imatataj rurai tucunchij?

• ¿Picunatataj ñalla cutin ricushun?

• ¿Llaquicunahuan cashpapish Dios cusha nishcacunapi yuyailla canaca ima shinataj ayudan? (Ro 8:25).