¿Picunallatataj invitagringui?

Cada huatami Jesús huañushcata yuyarina tandanacuiman shamuchun achca gentecunata invitanchij. Mana rijsishcacunata invitashpapish rijsishcacunatacarin invitanami canchij. Shuj rijsishca invitajpimi gentecunaca cai tandanacuiman shamusha ningacuna (yb08-S pág. 11 párr. 3; pág. 14 párr. 1). ¿Picunallatataj invitai tucunchij?

• Familiacunata.

• Trabajopi, escuela o colegiopi caj compañerocunata.

• Vecinocunata.

• Bibliamanta yachacujcunata, visitacushcacunata, Bibliamanta yachanata saquirishcacunata.

Congregacionpi ancianocunaca chiriyashca huauqui panicunatami invitana can. Cutin, shuj rijsishca caruman causajpica ¿paitapish invitangapajca imatataj rurai tucungui? Pai causan ladopi maipi, mai horas Jesús huañushcata yuyarina tandanacui tiyagrishcata mashcai. Chaipajca jw.org paginapi ÑUCANCHIJTA RIJSI nishcapi, “Jesús huañushcata yuyarina tandanacui” nishcaman yaicui. Chai punlla chayangacamaca picunallata invitagrishcata yuyarishpa utca invitai.