Jatun tandanacuiman invitashunchij

Tucui huatacunami jatun tandanacuicunapica sumaj yachaicunata chasquishpaca cushilla sintirinchij. Chaimantami shujtajcunapish cai yachaicunata uyashpa cushilla sintirichun nishpa tucuicunata invitasha ninchij (Sl 34:8). Cada congregacionmanta ancianocunami invitacioncunata ima shina saquinata huillanga.

CAITAMI YUYAIPI CHARINA CANCHIJ

• ¿Jatun tandanacuica ima punllataj canga?

• ¿Congregacionpica ima horamantataj gentecunata invitai callarishun?

• ¿Huillanaman llujshina tandanacuica ima punllacunataj can?

• ¿Invitacioncunata alli saquingapajca imatataj rurana cani?

• ¿Pitataj invitasha?

INVITACIONTACA IMA SHINATAJ SAQUISHUN

Saludashca qꞌuipa cashnami ni tucungui:

“Shuj jatun tandanacuitami muyundij allpapi charinchij. Sumajmi can. Chaimantami tucuicunata shamuchun invitacunchij. Cai pꞌangapimi ima punlla, ima horas canata huillacun. Cushicushpami quiquinta chasquishun”.

ASHTAHUAN YACHANA NIJCUNATA AYUDASHUNCHIJ

Jatun tandanacuiman achca gentecunata invitashpapish, huillacujpi uyasha nijcunataca yachashpa catichunmi ayudana canchij.

Sabadota o domingotaca ¿Ñucanchij tandanacuicunapica imatataj ruranchij? videota ricuchi tucushpaca ricuchinallami cangui.