JESÚS SHINA CAUSASHUNCHIJ
Jehová Dios disciplinajpi chaita apoyashpaca cꞌuyaitami ricuchinchij
Pi juchata rurashpa catijpica paitaca congregacionmantami llujshichin. Chashnami huauqui panicunata cuidancuna, juchata ruraj arrepintirichunpish ayudancuna (1Co 5:6, 11). Ñucanchij cꞌuyashca familiata o amigota congregacionmanta llujshichijpica llaquirinchijmi. Pero llaquirishpapish Jehová Dios chashna disciplinajpica apoyanami canchij.
Shinami Diosta cꞌuyashcata ricuchishun. Pai mandashcacunata respetashcatapish ricuchishun (1Pe 1:14-16). Shinallataj congregacionmanta llujshichishcata cꞌuyashcatami ricuchishun. Yayitu Dios corregijpi chasquishpaca paica allicunatami ruranga (Heb 12:5, 6, 11, La Biblia. Traducción del Nuevo Mundo, NWT ). Congregacionmanta llujshichishcacunahuan o testigo canata saquijcunahuan tandanacushpaca Jehová Dios paicunata disciplinachunca mana saquicunchijchu. Yuyarishun, Jehová Diosmi maicama correginata alli yachan (Jer 30:11, NWT ). Chaimanta, Jehová Diosta apoyashpa, sirvishpa catishunchij. Quizás shuj punllaca congregacionmanta llujshichishcaca tigramungapishchari (Isa 1:16-18; 55:7).
TUCUI SHUNGUHUAN JEHOVÁ DIOSTA CAZUSHUNCHIJ NISHCA VIDEOTA RICUSHCA QꞌUIPACA CAI TAPUICUNATA CUTICHI:
¿Shuj churi o ushushi Jehová Diosta saquijpica yaya mamacunaca ima shinataj sintirincuna?
¿Huauqui panicunaca familiacunataca ima shinataj ayudai tucunchij?
¿Imamantataj familiata yalli Jehová Diosta cꞌuyana canchij? Shuj ejemplomanta parlai.
¿Familiata yalli Jehová Diosta cꞌuyashcataca ima shinataj ricuchinchij?