JESÚS SHINA CAUSASHUNCHIJ
Jehová Diosca cꞌuyaimantami corregin
Correginaca yachachina, intindichina, maipica castiganapishmi nisha nin. Jehová Diosca pai munashca shina adorachunmi ñucanchijtaca corregin (Ro 12:1; Heb 12:10, 11). Pero corregijpica chaita chasquinaca maipica sinchimi can. Shinapish correccionta chasquishpaca allitami rurashun, achca bendicioncunatapishmi charishun (Pr 10:7). ¿Pitapish corregicushpa o ima correccionta chasquicushpaca imatataj yuyaipi charina canchij?
Congregacionta pushajcunapish, yaya mamacunapish, maijanpish corregicushpaca Jehová Dios shinami cꞌuyaihuan corregina canchij (Jer 46:28). Maijanta sinchita corregina tucujpipish pai ima shina ayudachun minishtishcapimi yuyana canchij (Tit 1:13).
Pi ñucanchijta corregijpica chaita chasquishpaca pajtachinami canchij (Pr 3:11, 12). Tucuicuna juchayujcuna cashcamantami shujtajcuna corregichun minishtinchij. Por ejemplo, maipica Bibliata liyicushpa o tandanacuicunapi yachachishcacunata uyashpaca imapi mejorana cashcatami cuentata cunchij. Mana cashpaca ima juchata rurashcamanta congregacionta pushajcuna corregichunmi minishtinchij. Ima corregishcacunata chasquishpa, cazushpaca cushilla causaitami charishun. Ashtahuancarin huiñai causaitami charishun (Pr 10:17).
JEHOVÁ DIOSCA CꞌUYASHCAMANTAMI DISCIPLINAN NISHCA VIDEOTA RICUSHCA QꞌUIPACA CAI TAPUICUNATA CUTICHI:
¿Canonpaj causaica ima shinataj cambiarca?
¿Jehová Diosca paitaca ima shinataj cꞌuyaihuan corregirca?
Jehová Dios corregijpica chasquinata yachai.
¿Canonpaj experienciamantaca imatataj yachanchij?