Septiembre quillapi Bibliamanta estudiocunata callaringapaj esforzarishunchij

Septiembre quillapica Cushilla causai nishca folletohuanmi Bibliamanta estudiocunata callaringapaj esforzarina canchij. Cai quillapica precursorado auxiliarta japishpami 30 horascunata predicashpa pajtachi tucunchij. ¿Bibliamanta estudiocunataca ima shinataj callari tucunchij?

• Pihuanpish punta cutin parlacushpaca folletopaj página 16-ta utilizashpami huillai tucunchij. Qꞌuipaca ñucanchijcuna Bibliamanta ima shina yachachishcatami folletohuan ricuchi tucunchij. Saruncunapi Bibliamanta yachasha nijcunamanpishmi cai folletohuan yachachingapaj esforzari tucunchij. Huasicunapi pi mana tiyajpica folletotaca mana saquinachu canchij. Bibliamanta mana yachasha nijcunamanpish folletotaca mana saquinachu canchij. Comité de Servicio nishca ancianocunapishmi chꞌican chꞌican horariocunapi predicachun organizangacuna.

• Callecunapi huillana carritocunahuan predicacushpapish Cushilla causai nishca folletotami gentecunaman saqui tucunchij. Maijanpish folletota apasha nijpica Bibliamantami gratis yachai tucungui nishpami huillana canchij. Shinallataj Bibliamanta ima shina yachachishcatami ricuchi tucunchij. Superintendente de servicio ancianoca alli yachachij huauqui panicunatami negociocunapi Bibliamanta estudiocunata callarichichun agllai tucun. Trabajopi caj compañerocunaman, shujtajcunamanpishmi Bibliamanta yachachi callaringapaj esforzarina canchij.

Jesusca: “Gentecunapajman rishpa ñucata catijcuna tucuchun yachachigrichij” nircami (Mt 28:19, 20). Cushilla causai nishca folletomi caita pajtachichun ayudanga.