Caicunata estudiai

Jehová Diosta ashtahuan rijsi

Bibliata alli intindingapajca investiganami canchij. Pero investigacushpaca chai versocuna Jehová Diosmanta imata yachachishcapimi yuyana canchij. Chaimantami Bibliata liyicushpaca “¿cai versoca Jehovamantaca imatataj yachachij?” nishpa tapurina canchij. Chaita rurashpaca Jehová Diostami ashtahuan cꞌuyashun.

Jehová Diosca cꞌuyaj, tucuita yachaj, cashcata ruraj, poderyujmi can. Chai cualidadcunamanta ashtahuan yachangapaj tiempota surcui. Shinallataj Jehová Diospaj shujtaj cualidadcunamantapish yachangapaj esforzari. Chai cualidadcunamantaca ¿maipitaj yachai tucungui?

Jehová Diosca 50 yalli cualidadcunatami charin. Chaicunamanta yachangapajca españolpi Guía de estudio para los testigos de Jehová folletopi “Jehová” shutita mashcai. Ña tarishpaca “Jehová” shutipi, “Cualidades de Jehová” nishcata mashcai. Chaipica Jehovapaj cualidadcunatami taringui. Can ashtahuan yachasha nishca cualidadmanta investigai.