Alli decidinataca tucuicunami yachanata minishtinchij

¿Can mana rijsishca lugarman chayangapajca imataj ruranguiman?

1. 1. ¿Can yuyashca direcciontachu catishpa ringuiman?

2. 2. ¿Shujtajcuna ñanta rijsingami nishpachu paicunata catinguiman?

3. 3. ¿Can munashcaman chayangapajca chai lugarta alli rijsij cambaj amigota o GPS-pichu ayudata mashcanguiman?

Punta ishqui tapuicunata ari nishpaca mana ñucanchij yuyashca lugarman chayashunchu. Cutin último tapuita ari nishpaca ñucanchij chayasha nishca lugarman chayashuntajmi.

Ñucanchij causaica shuj viajepi ricushca shinami can. Cushilla causaita charingacamami viajasha ninchij. Pero manaraj cai sumaj causaita charishpaca cunanmi alli decisioncunata agllanata yachana canchij.

Maijan decisioncunaca ashacamallami can. Cutin shujtaj decisioncunaca ñucanchijtapish, ñucanchij familiacunatapish ayudai tucun mana cashpaca llaquichi tucun. Huaquinpica cai decisioncunatami agllana canchij:

• Aichapi chayarinamanta, cazaranamanta

• Honrado canamanta, trabajomanta, cullquimanta

• Huahuacunata huiñachinamanta

• Shujtajcunahuan ima shina apanacunamanta

Can decidishcacuna cantapish, cambaj familiatapish cushilla causaiman apana cashcataca, ¿ima shinataj seguro cai tucungui?

Tucuicunami cashna nishpa tapurina canchij: “¿Alli decisioncunata agllangapajca maipitaj alli consejocunata mashcai tucuni?”.

Cai revistapica Bibliapi nishcacuna alli decidinata yachachun ima shina ayudai tucushcatami ricushun.