¿Tucui cosascuna yallitaj caro cashcamantaca Bibliaca imatataj nin?

Junio de 2022 huatapimi Grupo Banco Mundialpaj presidenteca: “Mundo enteropica cosascunaca cutin yalli caromi can. Dimastij caro cashcamantami chaicunata randingapaj cullquica mana tanto tiyan” nishpa huillarca.

Fondo Monetario Internacional nishca organizacionca: “Micunacunapish, gasolinapish, gaspish yallitaj caro cashcamantaca ashallata charij gentecunami ashtahuan sufricuncuna” nishpami huillarca.

Bibliami cosascuna imamanta yalli caro cashcata intindichun ayudan. Shinallataj cai problemata ima shina chꞌimbapurana cashcata, shamuj punllacunapi ña mana cashna sufrina cashcatapishmi yachachin.

“Tucuri punllacunapica” tucui cosascunaca yallitaj caromi can

• Bibliapica ‘tucuri punllacunapi’ ña causacushcatami huillan (2 Timoteo 3:1).

• Jesusca tucuri punllacunapimi gentecunaca “yallitaj mancharinacunatami“ ricungacuna nircami (Lucas 21:11). Gentecunaca cosascuna yallitaj caro cashcata ricushpaca achcatami mancharincuna. Paicunaca: “¿shamuj punllacunapi imataj tucushunyari?, ¿ñuca familiatapish cuidai tucushachu?” nishpami sustarincuna.

• Apocalipsis 6:6-pica: “Shuj rimashca shinatami uyarcani. Chai rimashcami: ‘Shuj litro trigoca shuj denario cullquimi valin. Shinallataj quimsa litro cebadaca shuj denario cullquimi valin‘ nicurca“ ninmi. Cai versopica cunan punllacunapi micunacuna yallitaj caro cashcatami huillan.

‘Tucuri punllacunamanta’ ashtahuan yachasha nishpaca 1914 huatamantami ashtahuan llaquicunaca tiyai callarirca nishca videota ricui. Ashtahuanpish Apocalipsis libropi nishcacunamanta yachangapajca ¿Qué representan los jinetes del Apocalipsis? nishca temata ricui.

Cai problemacunaca tucuringami

• Isaías 65:21, 22-pica: “Huasicunatami shayachingacuna. Chaipimi causangacuna. Uvacunatami tarpungacuna. Chaipi pꞌucushcacunatami micungacuna. Shujtajcuna causachunllaca mana huasichingachu. Shujtajcuna micuchunllaca mana tarpungacunachu” ninmi.

• Salmo 72:16-pica: ‘Allpapica lutsai muyullatami tarpunga. Chaica tucui urcu puntacunacamami tucuita grano pꞌucunga‘ ninmi.

• Salmo 12:5-pica: ‘[“Jehová Diosca”, NWT] cashnami nin: “Huajchacunataca llaquichicuncunami, ima illajcunaca aij, nishpami mañacuncuna. Paicunamantaca ñucami shayarigrini”’ ninmi.a

Gentecunaca cosascuna yallitaj caro cashcamantaca achcatami sufricuncuna. Chaimantami Diosca muyundij Allpapi cai laya problemacunata tucuchinga. Caita ima shina tucuchinata yachangapajca “¿Es realista esperar un sistema económico justo?” nishca temata ricui.

Cunan punllacunapi cosascuna yallitaj caro cajpipish Bibliapi tiyaj consejocunami ayudai tucun. ¿Ima shina? Cullquita alli utilizachunmi ayudan (Proverbios 23:4, 5; Eclesiastés 7:12). Caimanta ashtahuan yachangapajca “Cambaj cullquita alli utilizai” y “Cómo vivir con menos” nishca temacunata ricui.