¿Diospaj Gobiernoca mana alli gobiernocunahuanca imatataj ruranga?

2023 huatapimi muyundij allpapi gentecunataca picunapi mana tanto confiashcata tapurcacuna. Chashna tapujpimi gentecunaca gobiernocunapi mana confiashcata nircacuna.a Gentecuna gobiernocunapi confiasha nishpapish gobiernocuna mana alli mandashcamantami paicunapi confianata saquishcacuna.

Bibliapica shuj alli Gobiernomantami parlan. Cai Gobiernopi mandajca Jesusmi can (Isaías 9:7). Paica mana llullaj, mana corruptochu can. Chaimantami tucuicuna paipi confiai tucunchij.

Jesús cai allpapi cashpaca shungumanta gentecunapi preocuparishcatami ricuchirca (Mateo 9:35, 36). Diospaj Gobiernopi cai allpata pai mandacushpaca paita cazujcunamanca tranquilo, alli causaitami cusha nin (Salmo 72:12-14).