Top left: Marek M. Berezowski/Anadolu Agency via Getty Images; bottom left: Halfpoint Images/Moment via Getty Images; center: Zhai Yujia/China News Service/VCG via Getty Images; top right: Ismail Sen/Anadolu Agency via Getty Images; bottom right: E+/taseffski/via Getty Images
RIJCHARISHCA SHINA CATISHUNCHIJ
2023-pica yallitaj llaquicunatami charishcanchij | ¿Caimantaca Bibliaca imatataj nin?
2023 huatapi ima tucushcacunaca ‘tucuri punllacunapi’ causacushcatami ricuchin (2 Timoteo 3:1). Cunan tiempopimi Bibliapi parlaj tucuri punllacunapaj señalcunata ricucunchij.
Cunan punllacunapi ima tucucushcaca ñami Bibliapi quillcashca carca
Mateo 24:6-pica: “Macanacuicuna tiyashcatami uyanguichij” ninmi.
“Achca llajtacunapimi macanacuicunaca ashtahuan mirarishpa caticun”.a
“¿Quién protegerá a los civiles?”, “El gasto militar mundial sobrepasa los 2 billones de dólares” nishca yachaicunata ricui.
Marcos 13:8-pica: ‘Chꞌican chꞌican llajtacunapimi terremotocuna tiyanga’ ninmi.
“2023 huatamanta callarishpa cunancamaca 13 yallitaj sinchi terremocunami tiyashca. Cai muyundij allpapica chashna laya dimastij sinchi terremotocunataca mana nunca ricushcanchijchu”.b
“Turquía y Siriapica sinchi terremotocunami tiyarca ¿Bibliapica imatataj yachachin?” nishca yachaita ricui.
Lucas 21:11-pica: “Yallitaj mancharinacunatami ricungacuna” ninmi.
“Calentamiento global nishca punllacunaca ñami tucurishca. Cunanca ashtahuan rupai tiyashcamantami ebullición global nishca punllacunapi canchij” (António Guterres, secretario general de las Naciones Unidas).c
“Ola de calor mundial en el 2023” nishca yachaita ricui.
Mateo 24:7-pica: ‘Yaricaimi tiyanga’ ninmi.
“2023 huatapica familiacunata mantinijcunapajca micunata mana cui tucushcamantami yallitaj llaqui cashca”.d
“La guerra y el cambio climático empeoran la crisis alimentaria mundial” nishca yachaita ricui.
2 Timoteo 3:1-pica: “Mana ahuantaipaj sinchi, llaqui punllacunami shamunga” ninmi.
“Cai muyundij allpapica ocho gentecunamantaca shujmi depresión, ansiedad shina chꞌican chꞌican ungüicunata charincuna”.e
“El alarmante deterioro de la salud mental de los adolecentes” nishca yachaita ricui.
¿2024 huatapica ima shinashi causashun?
Cai 2024 huatapi ima tucunataca ni pi mana yachanchijchu. Shinapish cai tucuri punllacunapaj señalcunata ricushpami Diospaj Gobierno cai allpapi tiyaj gobiernocunapaj randi jahua pachamanta ñalla mandagrishcata yachanchij. Chai Gobierno mandacujpica ñucanchijca ña mana sustarishca llaquilla causashunchu (Daniel 2:44; Apocalipsis 21:4).
Yallitaj llaquilla, sustarishca sintirishpaca Diostami mañana canchij. Bibliaca caitami nin:
Salmo 56:3-pica: “Manchaihuan cai punllapica quiquinpimi shunguta churani” ninmi.
¿Diospi confiashcataca ima shinataj ricuchi tucungui? Chaita yachangapajca ama sufrishpalla causangapaj Biblia ima nishcata ñucanchijhuan yachai. Canca ñucanchijhuan Bibliata estudiashpami cantapish, cambaj familiatapish Diospaj promesacuna ima shina ayudanata yachangui.
a Foreign Affairs, “A World at War: What Is Behind the Global Explosion of Violent Conflict?” (Un mundo en guerra: ¿Qué hay detrás de la explosión mundial de conflictos violentos?), Emma Beals y Peter Salisbury; 30 de octubre de 2023.
b Noticias de terremotos, “2023: La cantidad de grandes terremotos pronto batirá récords”; mayo de 2023.
c Naciones Unidas, “Secretary-General’s Opening Remarks at Press Conference on Climate” (comentarios del secretario general sobre el clima en una rueda de prensa); 27 de julio de 2023.
d Programa Mundial de Alimentos, “Una crisis alimentaria mundial”.
e Organización Mundial de la Salud, “Día Mundial de Salud Mental”; 10 de octubre de 2023.