¿Jehová Diosca imamantataj Abrampaj Saraipaj shutita cambiarca?

17:1, 3-5, 15, 16

Abramca (Abraham) Jehová Diospaj ñaupajpi ima pandata mana rurarcachu. Jehová Dios Abramman imalla cusha nishcacunamanta parlacushpaca paitapish Saraitapish (Sara) mushuj shuticunatami churarca. Chai shuticunaca qꞌuipa punllacunapi imalla tucunatami ricuchirca.

Abrahamca achca llajtacunapaj yayami tucurca. Cutin, Saraca jatun mandajcunapaj mamami tucurca.

• 

  Abraham

  “Achca llajtacunapaj yaya”

• 

  Sara

  “Princesa”

Huacharishpaca cai o chai shutitami charisha nishpaca mana agllai tucunchijchu. Pero, Abraham y Sara shinami Diospaj ñaupajpi alli ricurinata agllai tucunchij. Chaimanta tapurishun:

• “¿Diospaj ñaupajpi alli ricuringapajca imatataj rurana cani?”.

• “¿Diospaj ñaupajpi alli ricuringapajchu esforzaricuni?”.