¿Bautizaringapajca imallatataj ña pajtachicungui?
JESÚS SHINA CAUSASHUNCHIJ
Jehová Diosta sirvinata decidi
¿Diosta sirvij jovenchu cangui o Bibliata estudiacunguichu? ¿Bautizarinata yuyashcanguichu? ¿Imamantataj chaita rurana cangui? Bautizarishpaca Jehovahuanmi alli amigo tucungui. Jatun llaqui punllapipish quishpiri tucunguimi (Sl 91:1; 1Pe 3:21). ¿Diosman mingaringapaj, bautizaringapajca imatataj rurana cangui?
Testigo de Jehovacuna verdadta yachachicushcata tucui shunguhuan cri. Ima dudata charishpaca Bibliapi investigai (Ro 12:2). Cambaj causaipi imata cambiana cajpica Yaya Diosta cushichingapaj cambiai (Pr 27:11; Ef 4:23, 24). Jehová Diosta ayudachun mañai. Paica paipaj espíritu santota cushpami fuerzasta cunga (1Pe 5:10, 11). Jehová Diosta sirvingapaj caicunata rurashpa esforzarinaca mana yangachu can (Sl 16:11).
¿BAUTIZARISHA NINGUICHU? NISHCA VIDEOTA RICUSHCA QꞌUIPA CAI TAPUICUNATA CONTESTAI:
¿Huaquincunaca bautizaringapajca ima problemacunatataj chꞌimbapurashcacuna?
¿Diospi feta churangapaj, paiman mingaringapajca imatataj rurana cangui?
¿Achcacunaca imamantataj bautizarishcacuna?
¿Paita sirvinata decidijcunataca Jehová Diosca ima shinataj bendician?
¿Diosman mingarina, bautizarinaca imataj can?