¡Sinchiyashpa ñaupajman catishunchij!

1. Sinchiyashpa ñaupajman catishunchij.

Brillaj luz shina Diosmanta yachachishunchij.

Tucui shunguhuan Jehovapi confiashpa

huillashpa catishunchij.

Jesús shina Dios mingashcata

cushilla alli rurashunchij.

Chaimi Diosca ñucanchijta tucuipi

ayudashpa catinga.

2. Sinchiyashpa ñaupajman catishunchij.

Tucui ladocunapimi huillana canchij.

Huasin huasin rishpa Diospaj Shimita

huillashpa catishunchij.

Ñucanchijta pꞌiñajcunaca

jarcanatami munancuna.

Jehová Dios ñucanchijhuan cashcamanta

ama manchashunchijchu.

3. Sinchiyashpa ñaupajman catishunchij.

Ashtahuan alli yachachijcuna cashunchij.

Paipaj espirituhuan ayudachun

Diosta mañarashunchij.

Alli shungu gentecunata

visitashpa catirashunchij.

Paicunapish Jehová Diosta sirvishpa

quishpiri tucungami.