CAI MUNDOPICA ACHCA PROBLEMACUNAMI TIYAN

4 | Llaquicuna tucuringacama shuyashpa cati

¿CAITA RURANACA IMAMANTATAJ MINISHTIRISHCA CAN?

Cai mundopi tiyaj problemacunamanta yallitaj sustarishpaca ungüicunatami japi tucunchij. Shinallataj dimastij llaquillami sintiri tucunchij. Cai llaquicunahuan chꞌimbapuraj gentecunaca esperanza illajmi saquirincuna. ¿Paicunaca imatataj rurancuna?

Huaquincunaca shamuj punllacunapi causai ima shina canataca mana yuyasha nincunachu.
Shujtajcunaca problemacunapi ama yuyangapajca machancuna o drogarincunami.
Asha gentecunaca causaipi achca problemacuna tiyashcata ricushpami huañunata munancuna.

¿Caitaca yacharcanguichu?

Maijan problemacunaca ratomi tucuri tucun. Chaimi cutin alli causai tucungui.
Llaquicuna mana tucurijpipish, ahuantashpa catingapajca canllatajmi imatapish rurai tucungui.
Bibliapica shamuj punllacunapica tucui llaquicuna tucuringami ninmi.

¿Imatataj rurai tucungui?

Bibliapica: “Caya punllamantaca ama yallitaj sustarichijchu. Punllantami imamanta sustarinaca tiyan. Chaimanta cunan punlla charishca llaquicunallamanta sustarichij” ninmi (Mateo 6:34).

Cada punlla imata ruranallapi yuyai. Caya punllamanta yallitaj sustarinapaj randica, cunan punlla imata rurana cashcata rurai.

Shamuj punllacunapi achca problemacuna shamungachari nishpa yuyashpaca estrés ungüitami japishun o esperanza illajmi saquirishun.

PROBLEMACUNAHUANCA CHꞌIMBAPURAI TUCUNCHIJMI: Huaquin consejocuna

ALLI COSASCUNAPI YUYAI

Bibliapica: “Llaquilla caj runapaj causaica, punllanta sinchillatajmi. Ashtahuanpish cushicui shunguhuan causajpajca, punllanta jatun micuita rurashca shinami” ninmi (Proverbios 15:15). Can charishca problemallapi yuyashpaca chai problemata allichi tucushcatami mana cuentata cungui. Pero problemacunata charishpapish, cushilla cangapaj esforzarishpaca chai problemacunata ima shina allichinata yachai tucunguimi.

Ama tanto noticiacunata uyai o ricui.
Punlla tucurijpica imamanta agradecido cashcata yuyai.
Chai punllapaj imallata rurana cashcata quillcai. Sinchi trabajota rurana tucujpica asha asha chaita rurai. Chashnami jahualla chai sinchi trabajota tucuchingui.

AYUDATA MASHCAI

Bibliapica: ‘Shujtajcunamanta caruyaj runaca alli yachaitaca mana chasquinchu’ ninmi (Proverbios 18:1, La Biblia. Traducción del Nuevo Mundo). Pi shuj jatun jutcupi urmashca cashpaca mana paillachu chaimanta llujshi tucun. Pi ayudajpimi chai jutcumanta llujshi tucunga.

Cambaj familiata o amigocunata canta ayudachun mañai.
Canpish paicunata ayudai tucushcatami yuyana cangui. Shujtajcunata ayudashpaca mana can charishca problemacunallapichu yuyangui.
Esperanza illaj saquirishca cashpa o ña mana causana yuyaicunata charishpaca doctorpajmanmi ri tucungui. Maipica maijancunaca chai yuyaicunata charishpami depresión ungüita charishcata cuentata cushcacuna. Pero shuj tratamientota catishpami alliyarishcacuna.a

a Rijchari revistaca cai tratamientota o caishuj tratamientota rurai tucunguimi nishpaca mana mandanchu.

Diospaj Shimica alaja esperanzatami cun

Shuj salmota quillcaj runaca Yaya Diostaca: “Quiquinpaj shimica ñuca chaqui sarunata achijyachijmi. Ñuca ñanta achijyachinmi” nircami (Salmo 119:105). ¿Cai shimicunaca imatataj nisha nin?

Amsa tutapica shuj lámpara achijyachijpimi maita purinata yachanchij. Chashnallataj imata ruranata mana yachashpaca Bibliapi tiyaj consejocunami alli decisioncunata agllachun ñucanchijta ayudan.

Luz tiyajpimi ñucanchij ñaupajpi imalla tiyashcata ricui tucunchij. Chashnallatajmi Bibliaca shamuj punllacunapi alaja causai tiyanata ricuchin.

Bibliaca mana gentecuna ima shina tiyai callarishcallatachu parlan. Ashtahuanpish shamuj punllacunapaj shuj sumaj esperanza tiyashcatami parlan. Cai catij tapuicunatapishmi cutichin:

1.

¿Llaquicunaca ima shinataj tiyai callarirca? Bibliapica: “Shuj runallamantami juchaca cai pachaman yaicurca. Chai juchamantami huañuipish yaicurca. Chashnami tucuicuna juchayuj cashcamanta huañuica tucuicunata japirca” ninmi (Romanos 5:12).

2.

¿Imamantataj gentecunaca problemacunata mana allichi tucushca? Bibliapica: “Pipish quiquin causaitaca mana mandai tucunchu” ninmi (Jeremías 10:23). Cai mundopi problemacunata ricushpaca chai shimicuna cierto cashcatami yachanchij.

3.

¿Problemacunata tucuchingapajca Diosca imatataj ruranga? Bibliapica: “Paicunapaj ñahuicunamantaca tucui huiquitami pꞌichanga. Huañuica ña mana tiyangachu. Llaquipish, huacaipish, nanaipish ña mana ashtahuan tiyangachu” ninmi (Apocalipsis 21:4).