¿Bibliaca Imatataj Yachachin?
¿Diosca tucui mañashcacunatachu uyan?
¿QUIQUINCA IMATATAJ NINGUIMAN?
Tucui mañashcacunatami uyan
Huaquin mañashcacunallatami uyan
Mana uyanchu
BIBLIACA CAITAMI YACHACHIN
“Mandaj Diosca tucui shunguhuan paita mañajcunapajca cꞌuchullapimi” (Salmo 145:18).
¿BIBLIACA IMATATAJ ASHTAHUAN YACHACHIN?
Diosca paita mana cazujcunapaj mañashcacunataca mana uyanchu (Isaías 1:15). Diosca paicunataca “allichingapaj ñucapajman shamuichij” ninmi. Chashnami paicunapaj causaita cambiai tucun (Isaías 1:18, QC, 1989).
Dios ñuchanchij mañashcacunata uyachunca pai munashca shinami mañana canchij (1 Juan 5:14).
¿Diostaca ima shinataj mañana canchij?
HUAQUINCUNACA cungurishpa, umata cumurichishpa, ishqui maquita churashpami mañana canchij ninmi. ¿Quiquinca imataj yuyangui?
BIBLIACA CAITAMI YACHACHIN
Huaquincunaca cungurishpa, tiyarishpa, siririshpa, shayarishpami Diosta mañashcacuna. Chashna mañajpipish Diosca paicunata uyarcami (1 Crónicas 17:16; 2 Crónicas 30:27; Esdras 10:1; Hechos 9:40).
¿BIBLIACA IMATATAJ ASHTAHUAN YACHACHIN?
Diosca mana jatun tucushcacunapaj mañashcacunata uyanmi (Salmo 138:6).
Canca ima shimipipish, shungu ucullapipish mañai tucunguimi (2 Crónicas 6:32, 33; Nehemías 2:1-6).