Huillaj revistapica shujtaj yachaicunapishmi tiyan

Achca huauqui panicunaca JW Library^® nishcapimi tandanacuicunapaj prepararincuna. Pero Huillaj revistapica mana tandanacuipi yachanapaj yachaicunallachu llujshin. Huaquinpica shujtaj alaja yachaicunapishmi llujshin. Chai yachaicunataca ¿ima shinataj tari tucungui?

• Cada yachaipaj tucuri partepica “Otros artículos”, shinallataj “Contenido de este número” nishcacunami tiyan. Chaicunapi llapijpica chai Huillaj revistapi tucui tiyaj temacunami llujshinga. Maijan liyisha nishcapi llapi.

• Shinallataj JW Library aplicacionpaj callari paginapica “Lo nuevo” nishcapimi cunanlla llujshishca Huillaj revistata descargai tucungui. Chai qꞌuipaca revistata pascashpa ima temacunalla tiyashcata ricui. Chashnami tucui temacunata liyi tucungui.