Josuey
11 Tukuy chaykunata uyariruspallanmi Hazor llaqtata kamachiq Jabinqa willakuqkunata kamachirqa Madon llaqtata kamachiq Jobabman,+ Simron llaqtata kamachiqman, Aksaf llaqtata kamachiqman,+ 2 hanay* law urqukunapa kasqanpi kamachiqkunaman, Kineret* quchapa uraynin* Araba pampapi kamachiqkunaman, Sefela muqukunapi kamachiqkunaman hinaspa intipa siqaykunan law waqtakunapi kamachiqkunaman, chayqa karqa Dor llaqta lawpim.+ 3 Willachirqataqmi intipa qispimunan hinaspa siqaykunan lawpi kaq Canaan runakunamanpas,+ urqukunapa kasqanpi Amorreo runakunamanpas,+ Het runakunamanpas, Perizita runakunamanpas, Jebus runakunamanpas chaynataq Hermon urqupa+ sikinpi kaq Mizpa lawpi Hev runakunamanpas.+ 4 Chay kamachiqkunañataqmi llapallan tropankunawan kuska caballokunawan hinaspa carretakunawan rirqaku. Paykunaqa lamar quchapa patanpi aqu hinañam mana yupay atina karqaku. 5 Chay llapallan kamachiqkunaqa huñunakunankupaqmi tantiarurqaku. Chaymi Merom lawpi pukyukunapa hichpanpi carpankuta sayachirqaku Israelpa mirayninkunawan peleanankupaq.
6 Hinaptinmi Josueyta Jehova Dios nirqa: “Ama paykunataqa manchakuychu.+ Paqarin kay horatam paykunataqa makikichikman churasaq llapallanta wañuchinaykichikpaq. Caballonkutapas ankunta kuchuspaykim carretankutapas kañaykunki”, nispa.+ 7 Chaymi Josueyqa llapallan soldadonkunawan qunqayllamanta chay runakunata wañuchiyta qallaykurqaku Merom law pukyukunapa kasqanpi. 8 Israelpa mirayninkunapa makinman Jehova Dios churaykuptinmi+ wañuchistin qatirqaku Sidon sutiyuq hatun llaqtakama,+ Misrefot-maim lawkama+ hinaspa intipa qispimunan lawpi Mizpe pampakama. Paykunataqa chullatapas mana puchuspam llapallanta wañurachirqaku.+ 9 Josueyqa Jehova Diospa kamachisqanman hinam caballonkupa ankunta kuchururqa, hinaspam carretankutapas kañaykurqa.+
10 Chaymantapas Josueyqa kutispanmi Hazor llaqtaman yaykuruspa kamachiqnintapas espadawan wañurachirqa.+ Hazor llaqtaqa llapallan chay llaqtakunamantapas aswan hatunmi karqa. 11 Chaypi kaq llapallan runakunatam espadawan wañurachirqaku,+ manamá pipas puchurqachu.+ Hinaspanmi Josueyqa Hazor llaqtata kañaykurqa. 12 Josueyqa llapallan chay kamachiqkunapa llaqtankumanmi yaykurqa, hinaspanmi kamachiqninkunatapas espadawan wañurachirqa.+ Payqa Jehova Diosta yupaychaq Moisespa kamachisqanman hinam llapallankuta wañurachirqa.+ 13 Ichaqa muqukunapi kaq llaqtakunataqa manam kañarqakuchu. Hazor llaqtallatam Josueyqa kañaykurqa. 14 Israelpa mirayninkunaqa chay llaqtakunapi animalkunawan hinaspa tukuy ima kapuqninkuwanmi qipakurqaku.+ Runankunatam ichaqa espadawan wañurachispanku pasaypaqta chinkarachirqaku,+ manam pitapas puchurqakuchu.+ 15 Jehova Diospa kamachisqanman hinam Moisespas Josueyman kamachirqa,+ Josueyñataqmi lliw kamachisqanta kasukurqa. Payqa Moisesta Jehova Diospa kamachisqanman hinam lliwta ruwarqa.+
16 Josueyqa tukuy chay allpatam hapikuykurqa. Paypa hapikuykusqan allpakunaqa karqa urqukunapa kasqanmi, llapallan Negueb qichwa,+ lliw Gozen law, Sefela muqukuna,+ Araba pampa,+ Israel urqukuna hinaspa chaypi kaq Sefela muqukunapas. 17 Chaykunaqa karqa Seir lawman riq Halac urqumanta Baal-gad llaqtakamam,+ chay llaqtaqa karqa Hermon urqupa+ uraynin Libano law wayqupim. Tukuy chaykunapi lliw kamachiqkunatam Josueyqa hapiruspan wañurachirqa. 18 Josueyqa unaymi chay kamachiqkunawan pelearqa. 19 Manam mayqin llaqtapas Israelpa mirayninkunawan hawka kawsakuytaqa maskarqachu, aswanqa Gabaon llaqtapi yachaq* Hev runakunallam.+ Llapallan llaqtakunapi runakunataqa peleaspankum wañurachirqaku.+ 20 Jehova Diosqa manam harkakurqakuchu Israelpa mirayninkunawan peleaypi kanankutaqa, chaynapi kikin Dios paykunata mana llakipayaspan chinkachinanpaq.+ Chay runakunaqa rumi sunqum karqaku.+ Paykunaqa Moisesman Jehova Diospa kamachisqanman hinam pasaypaq chinkachisqa kananku karqa.+
21 Chay punchawkunapim Josueyqa Anacpa mirayninkunata+ wañurachirqa. Paykunam yacharqaku Hebron llaqtapa urqunkunapi, Debir llaqtapa urqunkunapi hinaspa Anab llaqtapa urqunkunapi, yacharqakutaqmi Israel urqukunapiwan Juda urqukunapipas. Josueyqa Anacpa lliw mirayninkunatam wañurachirqa, llaqtankutapas chinkarachirqam.+ 22 Israelpa mirayninkunapa allpanpiqa manam Anacpa mirayninkunaqa karqañachu. Paykunaqa Gaza,+ Gat+ hinaspa Asdod+ llaqtakunallapiñam puchururqaku.+ 23 Chaynatam Josueyqa tukuy chay allpakunaman yaykurqa Moisesman Jehova Diospa nisqanman hina.+ Hinaspam Josueyqa Israelpa mirayninkunaman chaskinanku allpata qurqa, payqa sapa ayllumanmi tupasqanman hina rakirqa.+ Chaymantapacham chaylawpiqa manaña pelearqakuchu.+