9 kaq rakiyninpi imakuna yachananchikmanta

Yachasunmi: Warmachapas, Diosmanta willakuqpas hinaspa kamachiqpas Jehova Diospi hapipakusqankumanta. Siria nacionniyuq Naamanta Jehova Dios sanoyachinanmantam Israel llaqtayuq sipaschaqa mana iskayrayarqachu. Diosmanta willakuq Eliseopas manam iskayrayarqachu chiqniqninkunamanta Jehova Dios libraykunantaqa. Sacerdotekunapa kamachiqnin Jeoyadapas wañuytapas mana manchakuspanmi Jehoasta pakarurqa abuelan Atalia mana wañuchinanpaq. Ezequiaspas manam iskayrayarqachu Asiria nacionmanta Jehova Dios libraykunantaqa. Josiaspas taytacha-mamachakunatam chinkarachirqa, Jehova Diospa wasintam allichachirqa, hinaspapas runakunatam yanaparqa kaqmanta Jehova Diosta yupaychanankupaq.