PIWANPAS RIMAYTA QALLARISPA
1 YACHACHIKUY
Runamasinchikpi piensasun
Bibliapim nin: “Kuyakuq runaqa […] manam kikillanpaq munaqchu”, nispa (1 Cor. 13:4, 5).
¿Imatam Jesus ruwarqa?
1. Qawaykuy VIDEOTA utaq leeykuy Juan 4:6-9 nisqanta. Chaymantañataq qatiqnin tapukuykunapi yuyaymanay:
¿Imaman chay warmi hamusqantam Jesusqa qawarqa paywan manaraq parlachkaspan?
Jesusmi nirqa: “Yakullaykita quykuway tomaykunaypaq”, nispa. ¿Imanasqataq chayna nisqanqa allin karqa rimayta qallaykunanpaq?
¿Imatam Jesusmanta yachachwan?
2. Runakunaqa allintam uyariwasun yachay munasqankumanta rimaptinchikqa.
Jesusta qatipakuy
3. Runamasikipi piensay. Kikillaykipa munasqaykimanta rimanaykimantaqa runamasiki imamanta yachay munasqanman hina rimanaykipaq kallpanchakuy. Kaykunapi piensay:
“¿Imamantataq noticiakunapi rimanku?”.
“¿Imamantataq llaqtamasiykuna, llamkaqmasiykuna hinaspa estudiaqmasiykuna rimanku?”.
4. Willanaykipaqqa allinta qawariy. Piensariy:
“¿Imatataq runamasiy ruwachkan? ¿Imapitaq piensachkanman?”.
“¿Maymanta hinaspa ima religionniyuq kasqantataq cuentata qukuni imayna pachakusqanwan hinaspa wasinpi imapas kasqanwan?”.
“¿Willasqayta uyariwanqachu?”.
5. Allinta uyariy.
Ama llumpaytaqa rimaychu.
Ima nisqanta allinta uyariy hinaspa atikuptinqa rimasqaykichikmanta tapuy.