¿Imatam biblia nin?

¿Dioschu tukuy imawan ñakarichiwanchik?

¿Ima niwaqtaq?

• Arí

• Manam

• Ichapas

¿Imatam biblia nin?

‘Mana allin ruwayqa Diosmanta karunchasqayá kachun. Hucha ruwayqa tukuy atiyniyuq Diosmanta karunchasqayá kachun’, nispa (Job 34:10). Diosqa manam haykapipas ñakarichiwanchikchu, manataqmi paychu mana allinkunataqa hatarichin.

¿Imatawanmi bibliaqa nin?

• ‘Kay pachata kamachiq’ satanasmi yaqa lliw ñakariykuna kananpaq huchayuqqa (Juan 14:30).

• Wakinpiqa ñakarinchik mana allinta tanteasqanchikraykum utaq pipas mana allinta ruwawasqanchikraykum (Santiago 1:14, 15).

¿Haykapipas manaña ñakarispa kawsasunchu?

¿Imatam runakuna ninku? Wakin runakunam ninku: “Huk umalla llapanchik kaspanchikqa yaqapaschá tukuy imaymana ñakariyta chinkachichwan”, nispa. Wakinñataqmi ninku, imataña ruwaspapas hinalla ñakarinanchikmanta. Qamqa, ¿ima niwaqtaq?

¿Imatam biblia nin?

Diosmi niwanchik manaña ñakariy kananmanta, chaymi nin: “Manañam kanqachu wañuypas, llakikuypas, waqaypas nitaq nanaypas”, nispa (Apocalipsis 21:3, 4).

¿Imatawanmi bibliaqa nin?

• Jesuswanmi Diosqa diablopa rikurichisqan ñakariykunataqa tukunqa (1 Juan 3:8).

• Kay pachapiqa allin runakunallam wiñaypaq kawsakunqaku (Salmo 37:9-11, 29).