Willallachkasun Jehovapa sumaqkuna rurasqanmanta

1. ¿Imakunam gustasunki Jehovapa sumaqkuna rurasqanmanta?

¹ ¡Manam pipas igualakunmanchu Jehová Diosninchikwanqa! Davidmi qellqarqa: “Imaymanatam rurarqanki, Jehová Diosnillay, ñoqaykupaq sumaqkuna rurasqaykipas, sumaqkuna piensasqaykipas; manam pipas qanwanqa igualakunmanchu” (Sal. 40:5). Jehovapa sumaqkuna rurasqanmi universopi imaymana unanchasqan, mesiaspa Reinon, llaqtampaq imaymana rurasqan, allpantinpi predicasqapiwan (Sal. 17:7, 8; 139:14; Dan. 2:44; Mat. 24:14). Jehovata kuyakusqanchik, payta agradecekusqanchikmi kallpachawanchik paymanta rimananchikpaq (Sal. 145:5-7). Marzopi, abrilpi, mayopiwanmi astawan llamkananchikpaq oportunidad kanqa.

2. ¿Imaynatam precursor auxiliar kasqanchik yanapawanchik?

² Precursor auxiliar kaspa serviy. ¿Allichawaqchu tiempoykita achka llamkana killakunapi huk otaq iskay killatapas pichqa chunka horata predicanaykipaq? Presursor kanayki rayku ima cambiokunapas rurasqaykiqa, allinniykipaqmi kanqa (Efe. 5:16). Achkam cuentata qokunku precursor auxiliar kaspanku, servicionkupi allinyasqankuta. Faciltam runakunawan rimanku Bibliatapas allintam manejanku. Aswan achkata servicioman lloqsispam runakunata astawan Diospi interesachinku, wakinpaqa manam estudionkupas karqachu, precursor kaspam ichaqa estudiokunata tarinku. Chay servicioqa anchatam kusichin, precursor kaspam hukkunatapas yanapanchik (Hech. 20:35).

3. ¿Imaynatam wakin hermanokuna atirqaku precursor auxiliar kayta tukuy punchaw llamkaqkunapas, yuyaqkunapas?

³ Manaraq allinta tanteakuspaqa ama piensaychu manam atiymanchu precursor auxiliar kayta nispaqa. Qayna watam huk anciano atisqa precursor auxiliar kayta, payqa manam ancha tiempoyoqchu karqa, kanmi uchuyllaraq iskay wawankuna, tukuy punchawmi llamkanpas. ¿Imaynatam rurarqa? Semanantin llamkasqanraykum, tiemponta allichasqa semana tukuypi tiemponta allinta aprovechananpaq, sabadonpim 7 de la mañanata callekunapi predicayta qallarisqa. Chay congregacionpi pay hina llamkanayoq achka hermanonchikkunapas precursor auxiliarmi kasqaku, chaymi paykuna pura kallpachanakurqaku. Huk congregacionpim 99 watayoq hermananchik mayo killapi precursora kasqa, warmi wawan paywan kuska predicananpaq invitaptin. Congregacionpi huk hermanokunapas yanapasqakum predicaq riptin ruedayoq sillanta tanqaspa, estudiantekunapa wasinmanpas pusasqakum. Payqa predicarqam telefonopi, cartapi, callekunapipas. Reconocenmi Jehovapa fuerzanpa kallpachasqanrayku precursora kasqanta (Isa. 40:29-31).

4. ¿Imakunapim piensana precursor auxiliar kanapaq horariota ruraspa?

⁴ Tiempoykita allichay atinaykipaq hina. Yanapasunkimanpaschá kaypi horariokuna. ¿Tukuy punchawchu llamkanki icha escuelapichu kachkanki? Semana tukuypi predicanapaq horariopaschá qampaq allin kanman. Onqosqa kasqaykirayku otaq aslla kallpayoq kasqaykiraykupas tukuy punchaw predicayta mana atispaqa, sapa punchawmi predicawaq asllatapas. Willariy precursor auxiliar kay munasqaykita huk hermanokunaman. Paykunapas qam hinapaschá tiempota qokunmanku.

5. ¿Imakunatam jovenkuna ruranmanku marzopi, abrilpi, mayopipas?

⁵ Imaynatam jovenkuna participanmanku. Jehovaqa kusikunmi sumaqkuna rurasqanmanta jovenkuna rimaptin (Sal. 71:17; Mat. 21:16). Bautizasqa joven kaspaykiqa, atiwaqpaschá vacacioniyki kaptin precursor auxiliar kayta. Mana atispaqa, ¿kallpachakuwaqchu chay killakunapi aswan allinta, aswan achkata predicanaykipaq? Manaraq bautizasqa kaspa tayta-mamaykiwan kuska predicanki chayqa, kay killakunam allin kanmam manaraq bautizasqa publicador kanaykipaq requisitokuna huntaypi kallpachakunaykipaq. Manam Bibliamanta llapan tapuykunatachu kutichinayki nitaq bautizasqa yuyayniyoq hermanokuna hinachu yachanaykipas. ¿Entiendenkichu Bibliapi importante yachaykunata? ¿Kasukuchkankichu Bibliapa yachachisqanta? ¿Munankichu Jehovapa testigon hina reqsisqa kayta? Chayna kaptinqa rimay tayta-mamaykiwan. Chaymi paykunawan kuska ancianokunawan rimankichik requisitokunata huntankiñachu icha manaraqchu chayta yachanaykipaq (Leey Nuestro Ministerio Librota, 98, 99 paginakunata).

6. ¿Imaynatam yanapanchikman Biblia estudiaqkunata publicador kanankupaq?

⁶ Hukkunata yanapay predicanankupaq. Allin avanzaq wakin estudiantekunaqa huntankupaschá requisitokunata chay killakunapi publicador kanankupaq. Qampa estudioyki ñawparichkan chayqa yanapachikuy serviciopi superintendentewan otaq estudio de libropi superintendentewan. Hukninmi qanwan rinman estudianteykipa ñawparisqanta qawarinanpaq. Sichus munan publicador kayta, requisitokunatapas huntan chayqa, congregacionpi superintendente presidentem encargakunqa iskayniykichikwan, iskay ancianokuna rimananpaq (leey 1988 watapi 15 de noviembrepi Atalayata, 17 paginata). Aceptaptinkuqa, preparaypacha predicay qallarinanpaq.

7. ¿Imaynatam yanapanmanku unayña mana predicaqkunata otaq maynillanpi predicaqkunatapas?

⁷ Estudio de libropi superintendentekunam yanapananku chay grupopi mana predicaq publicadorkunata otaq maynillanpi predicaqkunatapas. Qampuni invitay qanwan kuska predicananpaq. Mayqenpas unayña mana predicanchu chayqa iskay ancianokunam ñawpaqta rimananku requisitokunata huntankuraqchu icha manañachu chayta yachanankupaq (leey 2000 watapi noviembrepi Reinomanta Servicionchikpi “Caja de preguntas” nisqata). Congregacionpi celowan kay killakuna predicasqankum kay hermanokunata kallpachanman hukmanta predicanankupaq.

8, 9. ¿Imatam ancianokuna ruranmanku achka llamkananchik killakunapi achka precursorkuna kananpaq?

⁸ Kunanmantapacha preparakuy astawan llamkanapaq. Ancianokuna, kunanmantapacha congregacionpi kallpachaychik precursor auxiliar kanankupaq. Allintam qamkunaqa kallpachawaqchik sumaq rimayniykichikwan allin ejemploykichikwan (1 Ped. 5:3). ¿Hayka precursorkunam karqa congregacionpi qayna wata? ¿Yapanmanchu kay wata? Estudio de libropi superintendentepas, yanapaqninpas kallpachanankum gruponkupi hermanokunata servicionku yapanankupaq. Superintendente de serviciopas programanmanmi predicanapaq achka horariokunata. Ñawpaqmanta willaychik congregacionman kay arreglokunamanta. Asegurakuychik predicacionpi dirigeq hermanokuna allin preparasqa hermanokuna kananpaq, predicanapaq huñunakuykunapas tiemponpi qallarinanpaq tukunanpaqpas (leey 2001 watapi setiembrepi Reinopaq Servicionchikpi “Caja de preguntas” nisqata). Superintendente de serviciom encargakunan predicanapaq sitiokuna haypananpaq hina kananta, revistakunapas, huk publicacionkunapas llapanpaqmi haypanan.

⁹ Qayna watam huk congregacionpi ancianokuna —unay tiempo ñawpaqta kusikuywan— kallpachasqaku publicadorkunata precursor auxiliar kanankupaq, wakinqa paykuna kikinkum precursor auxiliar kasqaku. Predicanapaq imaymana horariotam churasqaku: callekunapi predicanapaq 5.30 tutamantanta, escuelamanta lloqsimuqkunawan predicanapaqtaq 3 de la tardeta, huktataq 6 de la tardeta llamkasqankumanta lloqsimuqkunapaq. Sabadopipas kimsa kutitam predicaq llosisqaku. Chayraykum chay congregacionpiqa 66 precursorkuna abril killapi kasqa.

10. ¿Imaynatam familiakuna preparakunmanku astawan predicanankupaq?

¹⁰ ¿Rakiwaqchikchu tiempoykichikta familiantin estudiasqaykichikpi, hamuq killakunapi servicioykichikta yapanaykichikmanta rimanaykichikpaq? Allinta arreglaspa llapaykichik yanapanakuspaqa wakillanpas familiapi precursor auxiliar kawaqchikmi. Manapuni atikuptinqa kallpachakuychik aswan achkata predicanaykichikpaq otaq achka kutita predicaq lloqsinaykichikpaqpas. Familiantin kaymanta oraychik. Ama qonqaychikchu Jehovaqa bendecinqam kallpachakusqaykichikta (1 Juan 3:22).

11. a) ¿Ima sumaqkunatam qowanchik Cristopa sacrificakusqan? b) ¿Maypim ima horata llaqtaykipi yuyarinqaku Jesuspa wañusqan punchawta?

¹¹ Diospa aswan sumaq rurasqan. Jehovapa kuyakuynin achkampi rikuchisqanqa rescatawananchikpaq Churin qosqanmi (1 Juan 4:9, 10). Sacrificakusqanraykum salvawanchik huchamantapas wañuymantapas (Rom. 3:23, 24). Jesuspa yawarnin chaqchusqanmi mosoq pactota valorniyoqman tukuchin, chayraykum imperfecto runakunaqa Diospa wawankuna hina chaskisqa kanku Diospa Reinonpi kamachimunankupaq (Jer. 31:31-34; Mar. 14:24). Aswan importanteqa, Jesuspa mana pantaspa kasukusqanmi, chaymi Jehovapa sutinta chuyanchan (Deu. 32:4; Pro. 27:11). Domingo 4 de abriltam, Inti yaykuy qepata mundontimpi yuyarisum Jesuspa wañusqanta.

12. ¿Imaynatam Señorpa Cenan beneficianman chayman hamuqkunata?

¹² Señorpa Cenanta yuyarisqanchikmi Jehovapa sumaq rurasqankunata hatunchan. Discurso uyarisqanchikmi yanapawanchik rescatawananchikpaq churin kachamusqanmanta Jehová Diosta astawan kuyakunanchikpaq. Conmemoracionman hamuqkunaqa rikunqakum Diospa rurasqan huk sumaqkunatapas. Rikunqakum Diospa llaqtanpi kaqkuna huk familia hinalla kawsasqanchikta, kuyanakuy yachachiwasqanchikta kasukusqanchiktapas (Efe. 4:16, 22-24; Sant. 3:17, 18). Kay importante reunionman riyqa cambiachinmanmi runapa piensayninta, chayraykum munanchik kay discurso uyarinankupaq achka runa hamunankuta (2 Cor. 5:14, 15).

13, 14. ¿Pikunatam invitananchik Conmemoracionman, imaynata?

¹³ Hukkunata invitay hamunankupaq. Kunanmantapacha listata rurakuy invitay munasqayki runakunapa sutinta anotaspa. Invitawaqmi familiaykita, vecinoykita, compañeroykita, visitasqayki runakunata, ñawpa tiempopi Biblia estudiaqkunatapas. Estudio de libropi superintendentekunam listankupi anotananku manaña predicaq hermanokunapa sutinta.

¹⁴ Conmemoracionpaq rurasqa invitacionkunawan invitay, allintam ichaqa qellqanayki ima horata, maypi rurakunanta. Munaspaykiqa invitawaqmi 15 de marzo de 2004 Atalayapi, otaq 22 de marzo de 2004 Despertadpi, qepa paginapi rikuriq invitacionwanpas. 4 de abril cercataqa yuyarichiy anotasqayki runakunata, kikiyki rispapas otaq telefonopi qayaspapas.

15. ¿Imaynatam chaskinanchik Conmemoracionman hamuqkunata?

¹⁵ Conmemoracionpi. Tempranota riy Conmemoración tutaqa. Sumaqta chaskiy chayllaraq hamuqkunata (Rom. 12:13). Qanmi atiendenayki invitasqaykikunata. Allin chaskisqa kasqanta cuentata qochiy, huk hermanokunamanpas presentay reqsinakunanpaq. Atikuptinqa paykunapa ladonpi tiyay, Bibliankupas otaq takinanku libropas mana kaptinqa, qanwan leechun otaq ladonpi tiyaqwanpas. Huñunakuy tukuptin imatapas tapuptinqa chaymanta rimaychik. Chayllaraq hamuptinkuqa, tapuy munanpaschá Diospa Palabranmantapas paypa munasqanmantapas astawan yachayta. Ofrecekuy Bibliamanta yachachinaykipaq.

16. ¿Imaynatam yanapanchikman Conmemoracionman hamuqkunata espiritualpi yapanankupaq?

¹⁶ Yanapallachkasun hamuqkunata. Conmemoración qepataqa yanapanchikmanraqmi hamuqkunata. Wakinqa ñawpa tiempopi hamurqankupaschá reunionkunaman, kunantaq manaña hamunkuchu. Ancianokunam allinta qawarinanku chay runakunata mana qonqanapaq, paykunam cuentata qokunanku espiritualpi ñawparisqankuta imanasqam saqesqankutapas. Yuyarichiychik ima tiempopi kawsasqanchikta (1 Ped. 4:7). Entiendechiy Diospa llaqtanwan huñunakunanpaq kamachikuyta kasukuspa imayna beneficiakunanta (Heb. 10:24, 25).

17. ¿Imanasqam willallachkananchik Jehovapa sumaqkuna rurasqanmanta?

¹⁷ Jehovapa rurasqankunaqa ancha sumaqmi, wiñaytaña kawsaspapas manam llapantaqa entiendenchikmanchu (Job 42:2, 3; Ecl. 3:11). Chayraykum kanqapuni razonkuna Payta alabananchikpaq. Conmemoración tiempopim rikuchinchikman sumaqkuna rurasqanmanta agradecekusqanchikta, servicionchikpi yapananchikpaq kallpachakuspanchik.

[5 kaq paginapi recuadro]

¿Kawaqchu precursor auxiliar kay horariokunawan?

Marzo D L* M* M* J V S Killapi

Sapa punchaw 2 1 1 1 1 1 5 51

Iskay punchaw 0 5 0 5 0 0 0 50

Semana tukuypi 5 0 0 0 0 0 8 52

Abril D L M M J* V* S Killapi

Sapa punchaw 2 1 1 1 1 1 5 50

Iskay punchaw 0 0 0 0 5 5 0 50

Semana tukuypi 5 0 0 0 0 0 8 52

Mayo D* L* M M J V S* Killapi

Sapa punchaw 2 1 1 1 1 1 4 51

Iskay punchaw 0 5 0 0 0 0 5 50

Semana tukuypi 3 0 0 0 0 0 7 50

* Killapi pichqa