Caballokunapi hamuq ejercitoqa importasunkim
1, 2. ¿Imaynatam kunan afectan Diosta serviqkunata Apocalipsis 9:13-19 qellqasqa profeciamanta visionpa cumplikusqan?
1 “Soqta kaq angelmi trompetanta tocan.” Chay qepatam “caballokunapi hamuq ejercitoqa” correyta qallarin. Waranqanpi caballokunapim correnku mancharikunapaq hina bullata ruraspa. Kayqa manam común ejercitochu. “Caballokunapa umanmi leonpa uman hina.” Siminmantam lloqsin nina, qosni, azufrepas, “chupankupas culebra hinam.” Kay ejercitoqa rikchanachinallapaqmi, purisqanpim ichaqa imaymanata tukun (Apoc. 9:13-19). ¿Imaynatam qamta afectasunki kay visionpa cumplikusqan?
2 Ungidokunamanta puchuqkunam huk ovejakunawan kuska willachkanku Diospa juicionkunata, rikuchichkankum cristiandadpa espiritualpi wañusqa kasqantapas. Examinasun profeciamanta visionpi iskay puntota, chaypim yachasun Diosta serviqkunapa llamkasqan imanasqa allinpi tukusqanta.
3. ¿Imaynatam qamta preparasunkiku Diospa mensajenta allinta predicanaykipaq?
3 Diospa mensajenta willanapaq allin preparasqa. Escuela del Ministerio Teocraticopim, huk reunionkunapiwan Diospa ministronkunata preparanku paypa mensajenmanta valorwan rimanankupaq. Jesús hina, apostolkuna hinam kay tiempopi cristianokunapas maypipas runapa kasqanpi predicaspa mereceq runakunata maskanku (Mat. 10:11; Mar. 1:16; Luc. 4:15; Hech. 20:18-20). Bibliapa nisqanman hina predicaymi allinta yanapan.
4. ¿Imakunam predicasqanchikpi yanapawanchik llapan publicadorkunata?
4 Diospa ministron cristianokunaqa saqemunchik millonninpi bibliakunata, librokunata, folletokunata, revistakunatawanmi predicanapaq kamachiwasqanchikta kasukuspa. Chay publicacionkunaqa rurakun yaqa tawa pachak idiomakunapim, imaymana temakunamantam riman, imaymana clase runakunaman interesachinapaq hina. ¿Allintachu qam aprovechachkanki kay yanapaykunata?
5, 6. ¿Imaynatam yachanchik Jehovapa llaqtanta cielomanta yanapasqankuta?
5 Cielomantam yanapamun dirigimunpas. Profeciamanta visionmi allinta rikuchin caballokunapi ejercitowan representasqa runakunapa rurasqanqa Diospa yanapasqan kasqanta (Apoc. 9:13-15). Mundontinpi predicasqanchikqa manam runapa yachayninwanchu nitaq atiyninwanchu rurakun, Diospa espiritunpa yanapasqanmi atikun (Zac. 4:6). Angelninkunawanmi Jehovaqa llamkasqanchikta dirigimun (Apoc. 14:6). Chaymi Jehovaqa kay allpapi Testigonkunawan llamkachin chaypas, angelninkunawan yanapachin manso runakunata tarinankupaq (Juan 6:45, 65).
6 Diospa mensajenta willanankupaq allin preparasqa kasqankuwanmi, angelkunapa yanapasqanpiwan Jehovapa llaqtanqa mana harkay atina fuerza. Llamkallachkasun profeciamanta visionpa cumplikusqanpi.