Yuyaypi Jesús hina kasun
1. ¿Imayna yuyayniyoqmi Jesús karqa?
1 Manaña haykappas Diospa Churinta rikurqanchikchu chaypas, paypa vidanmanta, servicionmanta Bibliapi leespam kuyakunchik (1 Ped. 1:8). Papanpa munayninta rurananpaqmi, Jesusqa cielopi hatunchasqa kawsayninta saqespa Allpaman hamurqa, kaypim hukkunata servirqa mana imata mañaspa, vidantapas runakunarayku qorqa (Mat. 20:28). Diospa Palabranmi kamachiwanchik: “Qamkunapas Cristopa yuyaynin hina yuyayniyoq kaychik”. ¿Imaynatam pay hina kanchikman? (Fili. 2:5-8.)
2. ¿Ima problemapim achka cristianokuna tarikunchik, imam yanapawasun chay problema venceyta?
2 Pisipasqa kaspanchik. Mana huchayoqña Jesús karqa chaypas pisiparqam. Huk kutinmi, “viajasqanku qepata pisipasqa” kachkaspa, unayta predicasqa samaritanaman (Juan 4:6). Kunan punchawpas achka cristianokunam chayna tarikunchik. Semanantin llamkasqanchikrayku pisipasqa kaspam mayninpiqa mana facilchu predicananchikpaq tiempo qokuy. Sapa kutin servicioman lloqsispam cuentata qokunchik espiritualpi kallpachawasqanchikta (Juan 4:32-34).
3. ¿Imaynapim Jesús hina kanchikman yachachiy munasqanchikpi?
3 Huk kutim Jesusqa discipulonkunantin samanankupaq chunniq ladoman richkarqaku. Chayta yachaspam achka runakuna, puntasqaku paykunata suyanankupaq. Jesusqa manam piñakusqachu aswanmi “paykunata kuyapayaspa” “imaymanamanta yachachisqa” (Mar. 6:30-34). Bibliamanta hukkunaman yachachinapaqqa Cristo hinam kananchik. Runakunata cheqapta kuyakuspam mana pisipanachu yanapasqanchikpi. Sichus mana estudiota qonchikchu chayqa, manam desanimakunachu estudio tarinanchikpaq kallpachakusqanchikpi.
4. ¿Imaynatam precursor auxiliar kasqanchik yanapawanchikman yuyayninchikpi Cristo hina kananchikpaq?
4 Ñawpaqpi churasun espiritual kaqkunata. Precursor auxiliar kaymi yanapawasun espiritualpi ocupasqa kananchikpaq. Sipas hermananchikmi qellqarqa: “Amigaypa mamanmi iskayniykuta animawarqaku huk killata precursora paywan kuska kanaykupaq. Kusikunim chay rurasqaywan. Hermanokunata allinta reqsisqaywanmi kusikuni, pisi tiempomantaqa familiayta hinañan qawarini. Sumaqmi ñoqapaqqa karqa Jehovamanta huk runakunawan rimaypas, Reinomanta allin cheqapkuna yachachiypas. Chaykunam yanapawan Jehovawan, organizacionninwanpas cercapi kanaypaq.” (Sal. 34:8).
5. ¿Imanasqam kallpachakunanchik Jesuspa yuyaynin hina yuyayniyoq kananchikpaq?
5 Llapanchikmi huchayoq cuerponchikwan maqanakunchik Jehová Diospa munaynin rurananchikrayku (Rom. 7:21-23). Kay mundopiqa paykunallapaq imapas munasqankutam lliwpas ruranku, ñoqanchikmi ichaqa mana chaynachu kananchik (Mat. 16:22, 23). Jehová Diosmi santo espiritunwan yanapawasun chaykuna vencenanchikpaq (Gál. 5:16, 17). Diospa mosoq mundonman yaykunanchikta suyakuspa, yuyayninchikpi Jesús hina kasun: Reinopa interesninta, runamasinchikpa interesnintawan puntapi churasun (Mat. 6:33; Rom. 15:1-3).