“Yapaychik”
1. ¿Imatam llapanchik rurananchik?
1 Cristiano hina wawqepanintin kasqanchikraykum, llapanchik kallpachakunanchik congregacionpi kuyanakuy kananpaq (1 Ped. 1:22; 2:17). Chay kuyanakuyqa kanqa hukkuna kuyakuypi ‘yapaptinchikmi’ (2 Cor. 6:12, 13). ¿Imanasqam allinta reqsinanchik sapakama hermanonchikkunata?
2. ¿Imanasqam wawqepaninchikkunawan amistadta rurananchik?
2 Kallpachanam amistadninchikta: Cristiano hermanonchikkunata allinta reqsispam, masta estimanchik iñiyninta, aguantasqanta, huk sumaq kayninkunatapas. Imapas pantasqankuqa mana musyaymi kapun, amistadninchiktaq masta yapan. Allinta reqsinakuspam, yachanchik imayna kallpachanakuyta, consolanakuytapas (1 Tes. 5:11). Sapakamam hukkunata “kallpachaspa yanapanakunchikman” Satanaspa mundonpi pantachiq tentacionkuna vencenanchikrayku (Col. 4:11). Tukupay punchawpi achka tentacionkuna kasqanrayku, ¿manachu agradecekunchik Jehovata serviqkuna ukupi allin amigokuna tarisqanchikmanta? (Pro. 18:24.)
3. ¿Imaynatam hukkunata kallpachaspa yanapanchikman?
3 Allin amistadkunaqa hatun pruebakunapi tarikuptinchikmi kallpachaspa consuelota qowanchik (Pro. 17:17). Mana imapaq valeq kananpaq piensaq cristianam kayta yuyarin: “Amigoykunaqa sumaq kayniykunatam musyachiwanku mana valeq kasqaypi piensasqayta vencenaypaq”. Chayna amigokunaqa Diospa churasqanmi (Pro. 27:9).
4. ¿Imaynatam hermanonchikkunawan amistadta rurachwan?
4 Wawqepaninchikkunapi interesakusun. ¿Imaynatam kuyakuyninchikta yapachichwan iñiqmasinchik wawqepaninchikkunapaq? Reunionninchikkunapi saludaspapas, kallpachakusun paykunawan imallamantapas rimananchikpaq. Sapakamapi interesakusun, ama ichaqa vidankupi metekusunchu (Fili. 2:4; 1 Ped. 4:15). Paykunawan kuska mikunapaq invitaspam rikuchillachwantaq paykuna kuyakusqanchikta. (Luc. 14:12-14). Rimanakullachwantaqmi servicioman kuska lloqsinapaqpas (Luc. 10:1). Hermanonchikkunata allinta reqsinanchikpaq ñoqanchik kikinchik kallpachakuspam, yanapanchik congregacionpi hukllachasqa kananchikpaq (Col. 3:14).
5. ¿Imaynatam amistadninchikkuna yapanman?
5 ¿Wiñaymasillanchiktachu icha ñoqanchikwan imaymanapi tupaqllatachu akllanchik amigonchik kanankupaq? Manam chayna piensaywan vencechikuspachu congregacionpiqa asllata amistadta maskananchik. Davidpas Jonatanwan, Rutpas Noemiwan allin amistadtam rurarqaku manam ichaqa wiñaymasichu karqaku nitaq igual familiamantachu (Rut 4:15; 1 Sam. 18:1). ¿Maskanchikmanchu huk amistadkunata? Chayta ruraspaqa achkatam bendicionkunata chaskisun.
6. ¿Imaynatam yanapawanchik hermanonchikkunata masta kuyakusqanchik?
6 Hukkunata masta kuyakuspam kallpachanakunchik yanapanchiktaq congregacionpi hawka kawsay kananpaqpas. Jehová Diospas bendeciwanchikmi wawqepaninchikkunata kuyakuptinchikqa (Sal. 41:1, 2; Heb. 6:10). ¿Reqsinchikmanchu aswan allinta sapakama hermanonchikkunata, llapantapas congregacionpi kaqkunata?