Jehovaqa yanapanmi paypi confiaqkunata
1 Achka runam piensanku qollqeyoq kaspa, allin puestoyoq kaspa otaq imatapas allinta yachaspa allin kawsanankupaq (Sal. 12:4; 33:16, 17; 49:6). Jehovata manchakuspa paypi confiaqkunatam ichaqa Biblia aseguran “paymi paykuna yanapaqqa, paykunapa escudonpas”, nispa (Sal. 115:11). Qawarisun Jehovapi confiasqanchikta imakunapi rikuchinata.
2 Diospaq servicionchik. Congregacionpipas otaq serviciopipas yachachispaqa, Diospim confiananchik. Jesusmi allin ejemplota chaypaq churawanchik. Diospa churinña karqa chaypas manam paypa yachayninpichu nitaq atiyninpichu confiarqa, aswanmi tukuy sonqonwan hanaq pacha Taytanpi confiarqa (Juan 12:49; 14:10). ¡Aswantaraqmi ñoqanchikqa Diospi confiananchik! (Pro. 3:5-7.) Jehová Diospa yanapasqallanmi atinchikman payta hatunchaytapas hukkunata yanapaytapas (Sal. 127:1, 2).
3 Yachachiwananchikpaq, yanapawananchikpaq espíritu santonta oracionpi mañakuspam Jehovapi confiasqanchiktaqa rikuchinchik (Sal. 105:4; Luc. 11:13). Paypi confiasqanchiktam rikuchillanchiktaq Palabran Bibliapa nisqanman hina yachachispa, kay libroqa poderniyoqmi runapa sonqonman chayananpaq, vidanku cambiananpaqpas (Heb. 4:12). Kikillanchikmanta mana atispa “Diospa qosqan fuerzapa yanapasqallan” servispam Jehovataqa hatunchanchik (1 Ped. 4:11).
4 Problemapi tarikuspa. Jehová Diospa yanapaynintam mañakunanchik problemakunapi tarikuspaqa (Sal. 46:1). Llamkasqanchikpi jefenchikpaschá mana faciltachu permisota qowasun asambleaman rinanchikpaq, otaq familianchikpas sasa tiempopi tarikunman. Jehovapi confiasqanchiktam rikuchinchik tukuy sonqowan oraspa, Palabranpa, organizacionninpa kamachisqanta kasukuspapas (Sal. 62:8; 119:143, 173). Chayna ruraq cristianokunaqa musyankum vidankupi Jehovapa yanapasqanta (Sal. 37:5; 118:13, 16).
5 Kikin Diosmi asegurawanchik: “Kusisqam Jehovapi confiaq runaqa, Jehová paypa confianzan kasqanrayku” (Jer. 17:7). Chayrayku, imaymana rurasqanchikpi rikuchisun paypi confiasqanchikta (Sal. 146:5).