Precursor hina kay
1. ¿Ima niwaqmi precursor hina kaymanta?
1 Llapankun Reinomanta predicaqkunaqa precursor hina kankuman. Paykunapaqqa ancha importanten Jesuspa kamachisqan kasukuy, predicaypas, díscipulo ruwaypas (Mat. 28:19, 20; Hech. 18:5). Huk runakunapi preocupakuspan, kallpachakunku kay serviciopi llank’anankupaq (Mat. 9:36; Hech. 20:24). Jehovata serviqkunaqa ima atisqankutan ruwanku Diosmanta yachachispa runamasinkuta yanapanankupaq (1 Cor. 9:19-23). Qhawarisun chay ruwananpaq kallpachakuqpa llank’asqanta: Predicaq Felipepa ejemplonta.
2. ¿Imaynatan ancianokunapas siervo ministerialkunapas Felipe hina celowan predicaq kankuman?
2 Predicaspa yachachisqanchis. Qallariy siglopi congregacionpin Felipeqa askha llank’anayoq karan (Hech. 6:1-6). Ichaqa, allin noticiakunamanta celowan predicaqmi karan (Hech. 8:40). Kunanpas atinkumanmi, ancianokunapas, siervo ministerialkunapas precursor hina kayta, kusikuywan tukuy atisqankuta predicaspa, congregacionpi deberninkutapas hunt’aspa. ¡Anchatan ruwasqankuqa congregacionpi kaqkunata kallpachan! (Rom. 12:11.)
3. ¿Imaynatan rikuchiswan precursor hina kasqanchista pruebakuna kaqtinpas?
3 Estebanpa wañusqan qhepata, cristianokunata nishu qatikachasqankun discipulokunapaq hatun problemakunata qallarichiran. Felipen ichaqa, mana dejasqachu predicayta, aswanmi allinta yanapasqa Samaria llaqtapi predicayta qallariqtinku (Hech. 8:1, 4-6, 12, 14-17). Ñoqanchispas Felipe hinan kasunman, pruebakuna kaqtinpas allin noticiakunamanta lliw runakunaman predicaspa (Juan 4:9).
4. ¿Ima ejemplotan Felipe qowaranchis allin yachachiq kaymanta?
4 Etiopía llaqtayoq eunuco, cristianoman tukusqanmanta Bibliaq willasqanpin yachanchis Felipeqa Diospa Palabranpi allin yachachiq kasqanta (Hech. 8:26-38). Ñoqanchispas precursor hinan kallasunmantaq Bibliawan allinta yachachispa ‘Qelqakunaq nisqanman hina tapunakuspa’ (Hech. 17:2, 3). Felipe hinan ñoqanchispas, allin noticiakunata predicayta munanchis lliw sitiopi, runakunaq uyariy atisqan ratokunapi.
5. ¿Iman cristiano tayta mamakunata yanapanqa precursor kanankupaq wawankuta kallpachanankupaq?
5 Familiapi congregacionpipas. Felipeq askha predicasqanpas, allinkuna ruwasqanpas yanaparanmi ususinkunata (Hech. 21:9). Chhaynallataqmi Reinopaq askha llank’aq taytamamakunapas, ruwasqankuwanmi wawankuta kallpachanku paykunapas chhaynata llank’anankupaq. Semanantin llank’asqanwan sayk’usqa kashaspapas kusisqa predicaq risqanwanmi taytaqa allinta wawanta kallpachanqa, chaytan wawanqa mana hayk’aqpas qonqanqachu (Pro. 22:6).
6. ¿Imaynatan rikuchiswan congregacionpi precursorkuna munakusqanchista?
6 Felipeqa sumaq runan karan, wasinpin alojaran Pablotapas Lucastapas, paykunaqa Jehovata serviq celoso cristianokunan karanku (Hech. 21:8, 10). ¿Imaynatan rikuchiswan kay tiempopi askha llank’aq wayqe pananchiskuna yanapasqanchista, agradecekusqanchistapas? Paykunawan kuskan predicaq lloqsiswan pisi hermokunalla predicaq lloqsisqan p’unchaykunapi, tutamantanpas otaq tardenpas (Fili. 2:4). Chaymantapas, invitaswanmi wasinchisman paykunawan sumaqta rimanarikunanchispaq. Imayna llank’anayoqña kaspapas, llapanchis kallpachakusun precursor hina kananchispaq.