Imaynatam wakinkunata yanapachwan Jesuspa wañukusqanpi iñinankupaq
12 abril killapim Jesuspa wañukusqan yuyarikunqa
1. Imaynatam Diospa siervonkuna agradecekunku rantinchikpi Jesucristo wañukusqanmanta.
1 “Diosmanyá gracias kachun mana explicay atina qokuyninmanta.” (2 Cor. 9:15.) Kay rimaykunam allinta qawachiwanchik imayna sientekusqanchikta ancha kuyakuyninpi Diosninchik Churinta rantinchikpi kachamusqanrayku. Jehová Diostam agradecekuchwan kay regalon qowasqanchikmanta Churinpa Wañukusqanta yuyarinapaq 12 abril punchaw huñunakuyman rispa.
2. ¿Jehová Diospa siervonkunamantapas, pikunataq hamunku Jesuspa wañukusqan yuyarinapaq huñunakuyman, hinaspa imatam rurananku bendicionkunata chaskinankupaq?
2 Jehová Diospa siervonkunamantapas, chunka wara-waranqantin runakunam sapa wata Jesuspa wañukusqan yuyarinapaq huñunakuyman hamunku. Chay huñunakusqankuwanmi qawachinku tumpallatapas agradecekusqankuta rantinchikpi Jesús wañukusqanmanta. Ichaqa, chay wañukusqanpim iñinanku bendicionkunata chaskiyta munaspankuqa (Juan 3:16, 36). ¿Imaynatam yanapachwan iñiyninkupi astawan wiñanankupaq? Jesuspa wañukusqan yuyarina tiempopim paykunata kallpanchachwan Biblia estudiayta qallarinankupaq hinaspa huñunakuykunaman hamunankupaq. Qatiqninpim yanapakuykunata qawasun.
3. ¿Imaynatam Bibliamanta estudiota qallarichwan Jesuspa wañukusqan yuyarinapaq huñunakuyman pitapas invitaspa?
3 Bibliamanta estudiokuna: Chay huñunakuyman munaqkunata invitaspayki, ¿Imanasqataq Enseña nisqan librowan Bibliamanta estudiota mana qallarinkichu? Kikikimanta yachachiy imaynam estudio kasqanta, hinaspa qawachiy “La Cena del Señor: una celebración que honra a Dios” libropa nisqanta (págs. 206-208). Ichapas chay nisqanmanta yachachiwaq huk iskay watukusqaykipi estudiota punkunpi qochkawaq hina. Tukuruptinñataqmi, ichapas estudiayta munanman 5 capítulo “El rescate, el mayor regalo de Dios” nisqanta. Bibliamanta estudioña kaptinqa, tawa qallariq capitulonkunata estudiay.
4. ¿Pikunawantaq qallarichwan Biblia estudiayta Jesuspa wañukusqan yuyarina tiempopi?
4 ¿Pikunawantaq qallarichwan Biblia estudiayta? Llamkaq otaq estudiaqmasinchikkunawan hinaspa yachay munaq vecinonchikkunawanpas. Paninchikkunapa mana iñiq qosankutam wawqenchikkuna rimapayanmanku. Mana iñiq ayllunchikkunatapas manam qonqananchikchu. Chaymantapas, allintayá kallpanchakusun ñawpaq huñunakuqkunata Jesuspa wañukusqan yuyarinapaq huñunakuyman pusamunapaq (Luc. 15:3-7). Tukuy atisqanchikta rurasun runamasinchikkuna Jesuspa wañukusqanpi astawan iñinankupaq.
5. ¿Imaynatam yanapachwan Biblia estudiaqkunata hinaspa munaqkunatapas congregacionpa huñunakuyninkunaman hamunankupaq?
5 Congregacionpa huñunakuyninkuna: Biblia estudiaqkuna hinaspa munaqkunapas Jesuspa wañukusqan yuyarinapaq huñunakuymanmi puntataqa hamunku. ¿Imaynatam yanapachwan congregacionpa wakin huñunakuyninkunaman hamunankupaq? Abril 2005 Reinopaq Servicionchikpim 8 paginanpi lloqsimurqa kay yanapakuykuna: “Hamuq semanapi discurso publicopa temanta willay. Qawachiy imamantam yachasunchik La Atalaya Estudiopi, Estudio de Libro de Congregacionpipas. Willay imaynatam rurakun Escuela del Ministerio Teocrático, Serviciopaq Huñunakuypas. Escuelapi discursoyki kaptinqa ensayawaqmi paykunawan. Willay huñunakuykunapi allin puntokuna uyarisqaykimanta. Yachachiy publicacionninchikkunapi fotokunata qawachispa imaynatam rurakun huñunakuykuna. Estudio qallarichisqaykimantapacha pusay huñunakuykunaman”.
6. ¿Ima iskay yanapakuykunawanmi yanapachwan allin sonqoyoq runakunata rantinchikpi Jesuspa wañukusqanmanta bendicionkunata chaskinankupaq?
6 Sapakuti allin sonqoyoq runakuna Bibliata estudiaptinku hinaspa congregacionpa lliw huñunakuyninkunaman hamuptinkum, espiritualninkupi utqaylla wiñanku. Chaynaqa, wakinkunatayá yanapaykusun espiritualpi kay allin yanapakuykunata servichikunankupaq hinaspa bendicionkunata chaskinankupaq Diospa hatun regalon qowasqanchikmanta: rantinchikpi churinpa wañukuynin.