Jehová Diosta serviypi astawan kallpanchakusun
1 Apostol Pablo iñiqmasinkunata Diosta agradaspa kawsanankupaq kallpanchaspanqa, nirqataqmi: “Aswan mastaraq chaynata” ruranankupaq (1 Tes. 4:1). ¿Imatataq chaywanqa niyta munachkarqa? Rimachkarqam Jehová Diosta serviyninchikpi astawan kallpanchakunanchikmanta hinaspa ‘aswanraq Diospa Palabranta willakunanchikmantapas’ (Fili. 1:14).
2 Jehová Diosta astawan serviymi kallpanchawananchik: Jehová Diosta astawan serviy munasqanchikmi kallpanchawanchik aswan mastaraq rurananchikpaq. Kallpanchawanchiktaqmi iñiyninchikpi wiñananchikpaq chaynataq Jehová Diosta serviyninchikpi aswan allinta rurananchikpaqpas. Tiempochakuspa Biblia estudiayninchikmi, predicayninchikmi chaynataq Jehová Diosta astawan serviy munasqanchiktaqmi yanapawasun espiritualpi munasqanchikkunata haypananchikpaq (Sal. 1:1, 2; Fili. 4:6; Heb. 10:24, 25).
3 Yachananchiktaqmi runamasinchik kuyapayayta chaynataq runamasinchikman Diosmanta willananchikrayku tukuy ima ruraytapas. Chaypaqmi Jehová Diospa yanapakuyninta mañakunanchik Jesuspa ejemplonpi yuyaymanarichiwananchikpaq (Mat. 20:28). Hukkunata yanapaymi Jesustaqa anchatapuni kusichirqa (Hech. 20:35). Ejemplontam ñoqanchikpas qatipakuchwan runamasinchikta sonqomanta kuyapayaspa hinaspa Jehová Diospaq llamkaypi astawan kallpanchakuspanchik (Isa. 6:8).
4 Tayta-mamakunapa sumaq ejemplon: Warmachakunapas Jehová Dios serviytaqa munanmankum chaynataq Diospaq astawan llamkaytapas, ichaqa chayta ruranankupaqmi sapa kutilla warmachakunataqa kallpanchananchik. Warmachakunaqa reparankum Jehová Diospaq ayllunku tukuy ima rurasqankupi chaynataq Diosta servinankurayku astawan kallpachakusqankupipas. Huk wawqenchikmi warma kayninpi abuelonta yanapaq congregacionpaq rurayninkunapi. Abuelonpa kallpanchakusqanta hinaspa kusisqa llamkasqanta qawasqanmi kallpancharqa tukuy imapipas iñiqmasinchikkunata yanapakunanpaq. Kunanqa siervo ministerial hinañam congregacionpi yanapakuchkan.
5 Iñiqmasinchik qarikunapaq: “Iñiqkuna nanachikuyta pipas munaspanqa, allin oficiotam munachkan.” (1 Tim. 3:1.) Bibliapa kayna nisqanmi qarikunata kallpanchan Bibliapa kamachikuyninkunata huntanankupaq chaynapi aswantaraq Jehová Diospa llaqtanpi yanapakunankupaq. Manam ancha yachayniyoqraqchu kananku, aswanqa Diospa Munaychakusqantam puntataqa maskananku hinaspapas kusikuywanmi Diosmanta willakuypi kallpanchakunanku (Mat. 6:33; 2 Tim. 4:5). Chaymantapas sumaq ejemplo kaypim kallpanchakunanku.
6 Allpantinpi utqayllamanña llamkaymanta: Utqayllamanñam Jehová Diosqa runakunata llaqtanman huñumuchkan (Isa. 60:22). Chayraykum Jesuspa qatiqkunaqa aswantaraq kallpanchakunanku Jehová Diospaq sonqomanta llamkaypi. Enteron pachapi Jehová Diospaq llamkaymanta willakuymi qawachiwanchik 2006 kaq watapi 248.327 runakuna bautizakusqankuta: ¡sapa punchawqa soqta pachak pusaq chunkamanta masninraqmi! Chaynaqa, llapallanchikyá Jehová Diosta hinalla serviypi astawan kallpanchakusun.