Tukuy imata rurasun ‘allin noticiata willakunanchikrayku’
1. Diosmanta willakuq kaspanchikqa, ¿imatam rurananchik hinaspa imanasqa?
1 Runakuna wiñay kawsayta haypanankuta munaspanmi apostol Pabloqa kallpanchakurqa lliw runakunaman allin noticiata willakunanpaq (1 Cor. 9:16, 19, 23). Ñoqanchikpas pay hina munaspanchikmi kallpanchakunchik lliw runakunaman predicanapaq.
2. Predicayninchikpi, ¿imatam cambiachwan, hinaspa imanasqa?
2 Maypi hinaspa imay horapi predicanamanta: Allin challwaq runaqa anzuelontaqa otaq atarrayantaqa manam llutanmanchu wischuykun, aswanmi maypi achka challwa kasqanman. Chaynam ñoqanchikpas ‘runakunata challwachkaq hina’, imay horapi hinaspa maypi predicasqanchikta ichapas cambiananchik kanqa, chaynapi “tukuy rikchaq” runakunata tarinanchikpaq (Mat. 4:19; 13:47). Ima niwaqtaq, ¿atichwanchu chisinkuyta otaq tutapayta callekunapi predicayta? Apostol Pablom qatipakunanchikpaq hina imay horapipas chaynataq maypipas predicarqa, chaynapi Diosmanta ‘allin noticiata’ lliw runakunaman willakunanpaq (Hech. 17:17; 20:20, 24).
3, 4. ¿Imatam rurachwan predicasqanchik runakunapa sonqonman chayanapaq?
3 Runakunapa yachay munasqankuman hina predicasunchik: Challwirukunaqa imayna challwasqankutam cambianku munasqanku challwakunata hapinankupaq. Hinaptinqa, ¿imaynatam ñoqanchikpas predicayninchikta sumaqyachichwan, chaynapi runakuna uyariwananchikpaq? Puntataqa, runakunapa uyariy munasqankumantam rimananchik, chaymantañataq rimasqankuta uyarinanchik (Sant. 1:19). Ima piensasqankumanta yachanapaqñataqmi tapuykunata rurachwan (Pro. 20:5). Hinaspañataqmi chay yachay munasqankumanta rimapayachwan. Apostol Pabloqa ‘sapakama runawanmi paykuna hina karqa’ (1 Cor. 9:22). Huk rimaypiqa runakuna imayna tarikusqanman hinam yachachirqa, chaynapi sonqonkuman chayananpaq.
4 ¡Mayna kusikunapaqmi Diosmanta ‘allin noticiata willakuyninchikqa’! (Isa. 52:7.) Llapallan runakunaman predicayta munasqanchikraykum, ‘tukuy imata rurananchik’ allin noticiata willakunanchikpaq (1 Cor. 9:23).