Jesuspa wañukusqanta Yuyarina tiempopi astawan predicasun
1. Marzo, abril hinaspa mayopi, ¿imanasqam kallpanchakunanchik astawan predicanapaq?
1 Marzo, abril hinaspa mayopi, ¿astawan predicawaqchu? Ichapas chay killakunapiqa yachasqayki lawpi aswan allin kanman predicanapaq otaq llamkasqaykimanta chaynataq estudiasqaykimanta vacacionpi lloqsiwaq, chay tiempotam servichikuwaq predicanaykipaq. Chaynataq 2 punchaw abrilmantam lliw runakunaman invitacionta qosunchik 17 punchaw abrilpi Jesuspa wañukusqanta Yuyarinapaq. Chaymantapas chay huñunakuyman hamuqkunatam hinalla yanapachwan hinaspa invitachwan Bibliamanta enteron pachapi yachachikuyta otaq discursota 25 abril semanapi uyarinankupaq. Chaymi Jesuspa wañukusqanta Yuyarina tiempopiqa astawan kallpanchakunanchik predicanapaq.
2. ¿Ima kanaykipaq tanteaspam astawan predicawaq?
2 Kawaqmi precursor auxiliar. Astawanmi predicachwan precursor auxiliar kaspaqa. Llapanchikmi rurayniyoq kanchik, chaymi precursor kanapaqqa allinta tanteakuspapas tiempochakunanchik (Pro. 21:5, NM). Ichapas chay killakunapaqqa tantearunkiña imakunata ruranaykipaq. Mana ancha importante kaptinqa, allinmi kanman predicanaykipaq tiempochakuynikiqa (Fili. 1:9-11). ¿Imanasqataq wakin iñiqmasinchikkunawan mana rimankichu precursor kay munasqaykimanta? Ichapas paykunawan kuskapas precursor kawaqchik.
3. ¿Imaynatam familiakunaqa tanteanmanku astawan predicanankupaq?
3 Familiawan Diosta Yupaychanapaq Tutapi tanteaychik imakunata ruraspa astawan predicanaykichikpaq (Pro. 15:22). Familiapi yanapanakuspaykichikqa mayqennikichikpas precursor auxiliarqa kawaqchikmi, huk otaq achka killapas. ¿Imatam rurawaqchik mana atispaykichikqa? Atiwaqchikraqmi tanteayta wakin tardekunapi otaq semana tukuyta predicasqaykichik lawpi astawan predicaytaqa.
4. ¿Imatam tarisun Jesuspa wañukusqanta Yuyarina tiempopi astawan predicaspaqa?
4 Jehová Diosqa yachanmi hinaspa chaninchanmi payta servinanchikpaq tukuy ima rurasqanchikta (Heb. 6:10). Diosninchikpaqwan runamasinchikpaq allin rurayqa kusichiwanchikmi (1 Cro. 29:9; Hech. 20:35). ¿Kallpanchakuwaqchu astawan predicanaykipaq Jesuspa wañukusqanta Yuyarina tiempopi? Chaynata ruraspaykiqa achka bendicionkunatawan kusikuytam tarinki.