Yuyayninchikta waqaychasun

1. ¿Imataq iskay punchaw asambleanchikpa sutin, hinaspa imapim yanapawasun?

¹ Jesusmi qatiqninkunata yachachirqa Jehová Diosta tukuy sonqonkuwan, tukuy vidankuwan hinaspa tukuy yuyayninkuwan kuyanankupaq (Mat. 22:37, 38). Kay watapaq asambleanchikkunaqa rurasqam kachkan sonqonchikpi, conciencianchikpi hinaspa yuyayninchikpipas yanapawananchikpaq. Kimsa punchaw asambleapa sutinmi: “Sonqotayá waqaychasun”. Kay 2013 watapaq huk punchaw asambleanchikpa sutinqa: “Conciencianchikta waqaychasun”, niqmi. Iskay punchaw asambleanchikpa sutinñataqmi: “Yuyayninchikta waqaychasun”, chayqa horqosqam kachkan Mateo 22:37 nisqanmanta. Chay asambleaqa yanapawasunmi yuyayninchikta waqaychanapaq, chay rurasqanchikqa Jehová Diospa agradonpaqmi.

2. ¿Imakunamantam asambleapi yachasun?

² ¿Imamantam yachasun? Iskay punchaw asambleanchik tukuruptinqa, allinnin yachachikuykunatam yuyarinanchik. Chaypaqmi qellqananchik qatiqninpi tapukuykunata kutichiptin.

• ¿Imatam rurananchik runakunapa piensasqanman hina mana piensanapaq?

• ¿Imaynatam runakunata yanapachwan yuyayninku mana tutayaypi hina tarikunanpaq?

• ¿Imayna yuyayniyoqtaq kananchik?

• ¿Imakunapitaq yanapawanchik yuyaymanayqa?

• ¿Imatam rurananchik pensamientonchikpi Dios yanapawananchikpaq?

• ¿Imatam tayta-mamakuna hinaspa churi-wawakuna ruranmanku familiankupi kusisqa kawsanankupaq?

• ¿Imaynam kananchik Diospa piñakuynin punchawta suyaspa?

• ¿Ima ninantaq yuyayninchikta kallpanchayqa?

• ¿Imapitaq yanapawanchik yachasqanchikman hina kasukuyqa?

3. ¿Imanasqataq ancha allin asambleaman riyqa, allinta uyariy hinaspa yachachikuyninkunata kasukuypas?

³ Satanasqa yuyayninchiktam yanqacharuyta munan hinaspapas chayta rurananpaqmi tukuyta rurachkan (2 Cor. 11:3). Chaymi yuyayninchikta waqaychananchik, pensamientonchikta controlananchik, Jesuspa piensasqanman hina piensananchik hinaspa kay Pachapi mana allinkunata qepanchananchik (1 Cor. 2:16). Kallpanchakusun iskaynin punchaw asambleapi kanapaq hinaspa allinta uyarinapaq. Chaypi yachachikuykuna kasukusqanchikmi yanapawasun yuyayninchikta waqaychanapaq hinaspa tukuy sonqonchikwan Diospaq llamkanapaq (1 Ped. 1:13).