Diosmanta willakusqanchikpiyá tiemponchikta allinta servichikusun
2013 septiembre killamanta 2014 agosto killakamam Diosmanta willakurqanchik 1.945.487.604 horata, kaymi qawachin Diosmanta willakusqanchikpi kallpanchakusqanchikta (Sal. 110:3; 1 Cor. 15:58). Manaña tiempo kasqanrayku ¿manachu Diosmanta willakusqanchikpi tiemponchikta allinta servichikuchwan runakunaman astawan chayanapaq? (1 Cor. 7:29).
Tiemponchikta allinta servichikunapaqqa allin tanteoyuqmi kananchik. Sichu Diosmanta willakusqanchikpi runakunata mana tarispaqa ¿imatam ruwachwan tarinanchikpaq? Sapa llaqtapi runakuna mana chaynalla kaspanpas yaqapaschá kay qatiqnin yanapakuykuna yanapawasun tiemponchikta allinta servichikunapaq (1 Cor. 9:26).
Wasin-wasin rispa. Unay watakunañam wasin-wasin rispalla Diosmanta willakuyninchikta qallarirqanchik. Kay tiempopim ichaqa achka runakuna tukuy punchaw llamkasqankurayku wasinkupi mana kankuchu, chaynaqa ¿manachu tardeta utaq tutataña wasin-wasin willakunapaq tanteachwan? Runakunaqa chay horakunatam wasinkupi tarikunku. Chaymantapas tempranon lawta mercadokunapi utaq purisqanchik lawkunapi Diosmanta willakunapaq tanteayqa aswan allinpim tukunman.
Achka runakunapa kasqanpi. Mesakunata utaq carretakunatam qillqayuqta churananku achka runakunapa purisqanpi, ichaqa Diosmanta willakunanchikpaq tupawasqanchik lawkunallapim (qaway julio 2013 Diospaq Llamkayninchik pag. 5). Churasqanchik lawta manaña anchata runakuna puriptinkuqa ancianokunam tanteanmanku huk lawpiña churanankupaq.
Kaqmanta watukuspa hinaspa Bibliamanta yachachispa. Wakinpim Diosmanta willakunapaq tanteasqanchik horakunapi runakunata mana tarinchikchu. Yaqachu ¿chay horakunapi yachay munaqkunaman kaqmanta watukuchwan utaq Bibliamanta yachachinapaq richwan? Sabado punchaw tempranon lawpi wasin-wasin Diosmanta willakusqanchik aswan allin kaptinqa ¿yaqachu tanteachwan tardenkunapi Bibliamanta yachachinapaq? Kaqmanta watukunapaq carrowan rispañataqmi allin kanman sapa carropi aslla riyninchik chaynapi Diosmanta willakunanchikpaq.
Diosmanta willakusqanchik horata yupayta atispapas kusisqaqa kasun runakunata tarispanchikmi. Wasin-wasin rispa runakunata mana tarispaqa kallpanchakusunyá chay horakunapi yachay munaqkunaman watukunapaq utaq Bibliamanta yachachinapaq. Diostayá mañakusun paymanta willakuyninchikpi tiemponchikta allinta servichikunapaq (Mat. 9:38).