¿Pikunataq Jehová Diospa munayninta kay tiempopi rurachkan? niq qillqanchikta imaynata servichikunamanta

¿Pikunataq Jehová Diospa munayninta kay tiempopi rurachkan? niq qillqaqa ruwasqa kachkan, bibliamanta yachachisqanchik runaman, bibliamanta yachachispanchik pisi tiempolla qallariyninpi utaq tukuyninpi yachachinapaqmi.a 1-4 kaq yachachikuykunam yachachichkan imayna runakuna Jehova Diospa testigonkuna kasqanchikta, 5-14 kaq yachachikuykunam yachachichkan imakuna ruwasqanchikmanta, 15-28 kaq yachachikuykunañataqmi yachachichkan Diospa llaqtan imakuna ruwasqanmanta. Punta yachachikuyninmanta qallarispa yachachiymi aswan allinqa, ichaqa yachachichwantaqmi yachachisqanchik runapa yachay munasqanmantapas. Mayqin yachachikuypas huk paginallapim kachkan, chaymi atikunman 5 utaq 10 minutollapi bibliamanta yachachisqanchik runakunaman yachachiyta.

• 

  Imamanta yachanaykichikmanta tapukuyman hina rimariy.

• Kuska ñawinchaychik lliw yachachikuyta qallariyninmanta tukuyninkama utaq sapa parrafota.

• Ñawincharusqaykichikmanta rimariychik. Chaypaq servichikuy tukuyninpi rikuriq tapukuykunata hinaspa dibujokunata. Bibliapa textonkunatapas ñawinchawaqchikmi astawan entiendenanpaq. Qawachiytaq yana letrachakuna imaynam qallariypi tapukuyta kutichisqanta.

• Sichum ñawinchasqaykichik yachachikuypa “Astawan yachay” nisqan kaptinqa chayta ñawinchaychik, hinaspa kallpanchay chayta ruwayman churananpaq.